مالايزيادا ۆيتسە- پرەمەر مەن باس پروكۋرور وتستاۆكاعا كەتتى
بۇل تۋرالى ت ا س س حابارلادى.
نادجيب رازاكتى ينۆەستيتسيالىق قور ديرەكتورلارى كەڭەسىنىڭ ءتوراعاسىنىڭ قىزمەتىنەن كەتۋگە شاقىرعان ۆيتسە-پرەمەر مۋحيددين ياسين قىزمەتىنەن بوساتىلدى. ينۆەستيتسيالىق قوردىڭ قىزمەتىن شامامەن 11 ميلليارد دوللار شىعىنعا بايلانىستى ارنايى كوميسسيا تەكسەرىپ جاتىر. سونىمەن قاتار، ۆيتسە- پرەمەر جۋىردا داۋ سالدارىنان ەلدەگى ءىرى مالايزيا ۇلتتىق ۇيىمىنىڭ بىرلەستىگىنىڭ بەدەلى زارداپ شەگىپ جاتقانىن مالىمدەدى.
ۇكىمەت باسشىسىنىڭ جاڭا ورىنباسارى بولىپ ىشكى ىستەر ءمينيسترى احماد زاحيد حاميدي تاعايىندالدى. سونىمەن قاتار ول ەدىڭ ءىىم باسقارماق.
سونىمەن قاتار، باس پروكۋرور ابدۋل گاني پاتايل وتستاۆكاعا جىبەرىلدى. سونداي- اق، تابيعي رەسۋرستار جانە قورشاعان ورتانى قورعاۋ ءمينيسترى پالانيۆەل گوۆينداسامي، اۋىل شارۋاشىلىعى جانە اۋىل شارۋاشىلىق ءوندىرىسى ءمينيسترى يسمايل سابري يااكوب قىزمەتىنەن ايىرىلدى.
ايدىڭ باسىندا The Wall Street Journal بىرنەشە ماقالا جاريالادى.
وندا پرەمەردىڭ جەكە شوتتارىنا 1MDB قورىمەن بايلانىستى كومپانيالاردان شامامەن 700 ميلليون دوللار اۋدارىلعانى جازىلعان. ماتەريالداردىڭ اۆتولارى ترانزاكتسيا بويىنشا قۇجاتتاردىڭ كوشىرمەسىن دە ۇسىنعان. وپپوزيتسيا ۇكىمەت باسشىسىن ينۆەستقورداعى قاراجاتتى ىسىراپ قىلدى جانە سىبايلاس جەمقورلىققا قاتىسى بار دەپ كىنالاپ وتىر.
ۇكىمەت باسشىسى مۇنى مويىنداماي وتىر. پرەمەر ادۆوكاتتارى جاقىن ارادا The Wall Street Journal شاعىم جاسايدى دەپ كۇتىلۋدە.
