الماتى اكىمدىگى تالانتتاردى ىزدەيدى

استانا. قازاقپارات - وڭتۇستىك استانا تۋرالى «الماتىم - جۇرەگىمدە» اتتى جىل سايىنعى ءان بايقاۋىنا وتىنىمدەر قابىلداۋ باستالدى، دەپ حابارلايدى قالالىق مادەنيەت باسقارماسى.

 7-ءان بايقاۋى 5 -قىركۇيەكتە مادەنيەت جانە دەمالىس ساياباعىندا ورنالاسقان «شابىت» جازدىق تەاترىنىڭ ساحناسىندا وتەدى. وتىنىمدەردى بارلىق نيەت بىلدىرگەندەر بەرە الادى (18 دەن 30 عا دەيىنگىلەر)، بۇلار بايقاۋدىڭ ەڭ باستى ماقساتىنان حاباردار بولۋى ءتيىس: ول - شاھاردىڭ زاماناۋي كەلبەتىنىڭ بەلگىسى بولا الاتىن قالا تۋرالى جاڭا ءاندى ومىرگە كەلتىرۋ. كومپوزيتسيانىڭ اۋەنى مەن ءسوزى جۇرەكتى باۋراپ، قالالىقتاردىڭ اۋزىنان تۇسپەيتىن تاماشا ءان بولۋى ءتيىس. ارينە، شىعارما ءوزىنىڭ مازمۇنىمەن دە ادامدى ءتانتى قىلۋى كەرەك. ءىس- شارا قالا كۇنى مەرەكەسىنىڭ اياسىندا وتەتىندىگىن دە اتاپ وتكەن ءجون. بايگەگە قوماقتى جۇلدە - اۆتوكولىك تىگىلىپ وتىر.

قاتىسۋشىلاردىڭ شىعارماشىلىعىن مادەنيەت قايراتكەرلەرىنەن قۇرالعان قازىلار القاسى باعالاماق. بىلتىرعى جىلى ونىڭ قۇرامىندا: باقىت شادايەۆا، بايان ەسەنتايەۆا، ارمان دۇيسەنوۆ، الۋا قوناروۆا، الىشەر كارىموۆ بولدى، ال ءتوراعالىقتى بەلگىلى ءانشى نۇرلان ابدۋللين اتقارعان ەدى.

وتكەن جىلدىڭ جەڭىمپازدارىنىڭ اراسىندا: ايقىن تولەپبەرگەن «گۇلدەگەن الماتى»، رۇستەم نۇرجىگىت «الماتىم دەپ ءان سالام»، «ايالا» اندەرىمەن، جانە «Stars KZ» توبى «الما- اتا»، كۇمىس بازاربايەۆا «Almaty» اندەرىمەن كوزگە تۇسكەن. 2014 -جىلعى گران- پري جۇلدەسىن شىمكەنتتىك «ارمان» دۋەتى «الماتىم» انىمەن جەڭىپ الدى. تۇران راحيمبەرلين ءبىرىنشى ورىنعا، «گاۋحارتاس» كۆارتەتى ەكىنشى ورىنعا، روزا مۇقاتايەۆا ءۇشىنشى ورىنعا يە بولدى.

تاپسىرىستاردى قابىلداۋ تۋرالى الماتى قالاسىنىڭ مادەنيەت باسقارماسىنا حابارلاسۋعا بولادى، تەل. 2722208.