11:26, 28 - شىلدە 2015 | GMT +5
الماتى ءى ءى د: سەل سالدارىنان قازا تاپقاندار جوق
الماتى. قازاقپارات - الماتى ق. ىشكى ىستەر دەپارتامەنتى سەل سالدارىنان ادامداردىڭ قازا تابۋى تۋرالى وسەكتى جوققا شىعاردى.
«الەۋمەتتىك جەلىلەردە سەل قۇرباندارى تۋرالى جالعان اقپاراتتى ەسەپكە الا وتىرا، الماتى قالاسى ىشكى ىستەر دەپارتامەنتى بۇل مالىمەت جالعان ەكەنىن جانە سەل سالدارىنان مەرت بولعاندار جوق ەكەنىن مالىمدەيدى»، - دەلىنگەن ۆەدومستۆو تاراتقان حابارلامادا.
ەسكە سالا كەتەيىك، 23- شىلدەدە قارعالى وزەنىندە سۋ دەڭگەيىنىڭ كوتەرىلۋى سالدارىنان «قارعالى» جانە «تاۋسامالى» شاعىن اۋداندارىن جارىم-جارتىلاي سۋ باستى. سالدارىنان الماتى قالاسىنىڭ اۋەزوۆ، ناۋرىزباي جانە الاتاۋ اۋداندارىنداعى ۇيلەر زارداپ شەكتى. سوڭعى دەرەكتەرگە سايكەس، شامامەن 900 ادام قاۋىپسىز جەرگە شىعارىلدى.
