قازاقستان پرەزيدەنتى رەسپۋبليكانىڭ د س ۇ- عا قوسىلۋىن تاريحي وقيعا دەپ سانايدى

استانا. قازاقپارات - قازاقستان پرەزيدەنتى نۇرسۇلتان نازاربايەۆ ەلدىڭ دۇنيەجۇزىلىك ساۋدا ۇيىمىنا قوسىلۋىن «تاريحي وقيعا» دەپ سانايدى.

بۇل تۋرالى ول جەنيەۆادا رەسپۋبليكانىڭ ۇيىمعا قوسىلۋى تۋرالى قۇجاتتار جوباسى بەكىتىلگەن د س ۇ باس كەڭەسىنىڭ وتىرىسىندا مالىمدەدى، دەپ جازادى ت ا س س.

د س ۇ- نىڭ باس ديرەكتورى روبەرتۋ ازيەۆەدۋنىڭ ءوز سوزىندە اتاپ وتكەنىندەي، «قازاقستان مەن د س ۇ- نىڭ تاريحي كۇنى» بولدى. «قازاقستاننىڭ قوسىلۋى ءبىزدىڭ ۇيىمعا مىقتى داۋىس قوسىپ وتىر. قازاقستاننىڭ قاتىسۋى بارلىعىمىز ءۇشىن زور قۇرمەت بولىپ تابىلادى»، - دەدى ول. «د س ۇ- عا قوش كەلدىڭىزدەر»، - دەپ قوسىپ ءوتتى ازيەۆەدۋ قازاق تىلىندە.

نازاربايەۆ د س ۇ- عا مۇشە ەلدەردى، ۇيىمنىڭ حاتشىلىعى مەن باس ديرەكتورىنا ۇيىمعا قوسىلۋ كەزىندە كورسەتكەن قولداۋ ءۇشىن العىسىن ءبىلدىردى.

وتىرىستا ءسوز سويلەگەن قازاقستاننىڭ قوسىلۋى تۋرالى جۇمىس توبىنىڭ ءتوراعاسى، فين ديپلوماتى ۆاسا حيمانەن قوسىلۋ تۋرالى قۇجاتتار پاكەتىندە 1248 بەت بار ەكەنىن اتاپ ءوتتى. كەلىسسوزدەر «19 جىل مەن ەكى كۇندى ەسەپكە الماعاندا التى اي جۇرگىزىلگەن»، وسى ۋاقىت ارالىعىندا قازاقستان 50 جاڭا زاڭ قابىلدادى، ال «زاڭنامانىڭ 350 ەلەمەنتى د س ۇ- نىڭ مۇشەلەرىنە جەتكىزىلدى»، - دەپ ەسكە سالدى ول. جۇمىس توبى قۇجاتتار پاكەتىن 22- ماۋسىمداعى وتىرىسىندا بەكىتتى.