بۇگىن قازاقستاننىڭ باتىسىندا جانە الماتى وبلىسىندا اپتاپ ىستىق بولادى

استانا. قازاقپارات - رەسپۋبليكانىڭ سولتۇستىگىندە، شىعىسىندا جانە ورتالىعىندا اۋا رايىنىڭ تۇراقسىز سيپاتى ساقتالادى، كەي جەرلەردە نايزاعاي ويناپ، جاڭبىر جاۋادى، ۇيتقىعان جەل كوتەرىلەدى، سولتۇستىكتە جانە شىعىستا كەي جەرلەردە بۇرشاق جاۋۋى مۇمكىن، قازاقستاننىڭ قالعان اۋماقتارىندا كۇن رايى اشىق بولادى.

بۇل تۋرالى قازگيدرومەت حابارلادى.

اقمولا، قوستاناي، سولتۇستىك قازاقستان، پاۆلودار، شىعىس قازاقستان، تۇندە قاراعاندى وبلىستارىندا كەي جەرلەردە جەل 15-20 م/س- قا دەيىن كۇشەيەدى، پاۆلودار، شىعىس قازاقستان، كۇندىز سولتۇستىك قازاقستان وبلىستارىنىڭ كەي جەرلەرىندە بۇرشاق جاۋۋى مۇمكىن.

كۇندىز الماتى، ماڭعىستاۋ، اتىراۋ وبلىستارىندا، باتىس قازاقستان وبلىسىنىڭ كەي جەرلەرىندە اپتاپ ىستىق بولادى.

قىزىلوردا، جامبىل، وڭتۇستىك قازاقستان وبلىستارىندا، باتىس قازاقستان، اقتوبە، الماتى، قاراعاندى، شىعىس قازاقستان وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.

تاياۋداعى تاۋلىكتەردە قازاقستاننىڭ وڭتۇستىگىندەگى، وڭتۇستىك-شىعىسىنداعى جانە شىعىسىنداعى وزەندەردىڭ كوپشىلىگىندە سۋ بەتىنىڭ قۇبىلۋى بايقالادى، الماتى وبلىسىنىڭ تاۋ وزەندەرىندە سۋ اعىنى ۇلعايادى.