لوس-اندجەلەستە جازعى ارنايى وليمپيادا ويىندارىنا قاتىسۋشى قازاقستاندىق اتلەتشىلەردىڭ قۇرمەتىنە قابىلداۋ ءوتتى - فوتو
نوبلس جانۇياسىنىڭ جەكەمەنشىك اۆتوكولىك مۇراجايىنىڭ عيماراتى فەرراري ماركالى كولىكتىڭ 100 دەن اسا ءتۇرىن قامتىپ قانا قويماي، قازاقستان رامىزدەرىمەن ادەمى بەزەندىرىلە وتىرىپ، وتاندىق سپورتشىلارىمىزعا تاماشا كوڭىل-كۇي سىيلاي ءبىلدى. مەرەكەلىك ءىس-شاراعا قازاقستاندىق دەلەگاتسيادان باسقا كاليفورنيا شتاتىنىڭ ىسكەرلىك ورتاسى، امەريكالىق ب ا ق وكىلدەرى مەن قازاقستاندىق دياسپورا، سونداي-اق ا ق ش كونگرەسىندەگى وكىلدەر پالاتاسىنىڭ حالىقارالىق ىستەر كوميتەتىنىڭ رەسەي جانە ەۆرازيا جونىندەگى كىشى كوميتەتىنىڭ ءتورايىمى دانا روراباكەر قاتىستى.
ق ر ا ق ش- تاعى ەلشىسى قايرات وماروۆ ارنايى وليمپيادا ويىندارىنا كەلگەن قازاقستان ۇلتتىق قۇراماسىنىڭ مۇشەلەرىن جىلى قارسى الىپ، بايراقتى باسەكەگە قاتىسۋشىلاردىڭ ناعىز ەرلىك پەن قايسارلىقتىڭ ونەگەسى ەكەنىن اتاپ ءوتتى. قازاقستاندىق قوزعالىس 25 جىلدىڭ جۇزىندە ايتارلىقتاي تابىستارعا قول جەتكىزە وتىرىپ، ءوزىن حالىقارالىق ارەنادا بارىنشا تانىتا بىلگەندىگىن جەتكىزدى. وسىلايشا ول سپورتشىلارىمىزعا الداعى سىندا جەڭىس تورىنەن تابىلۋعا تىلەكتەستىك ءبىلدىردى.
شارانىڭ قوسىمشا ۇيىتقىسى بولعان ەنتوني نوبلس ساڭلاقتارىمىز بەن قوزعالىس جەتەكشىلەرىن ايتۋلى مەرەيتويمەن قۇتتىقتاپ، قازاقستاندىق تاراپتىڭ مۇنداي حالىقارالىق دەڭگەيدەگى باسەكەگە قاتىسۋىنىڭ ماڭىزىن جوعارى باعالادى. ول اتلەتشىلەرىمىزگە تابىس جانە التىن مەدالدارعا يە بولۋىن تىلەدى.
Special Olympics Kazakhstan قوزعالىسىنىڭ ءتورايىمى و. باحاريەۆا تاماشا قابىلداۋ ءۇشىن ۇيىمداستىرۋشىلارعا العىسىن ءبىلدىرىپ، نامىستى دودادا ۇلتتىق قۇراما الدىندا ەڭ كەمى 10 التىن مەدال ەنشىلەۋ ماقساتى تۇرعانىن جەتكىزدى.
كونگرەسمەن د. روراباكەر قازاقستان قۇراماسىنىڭ ءاربىر مۇشەسىنە ارناپ جەڭىس پەن جەتىستىكتەر تىلەگەن قۇتتىقتاۋ حاتتارىن تابىستادى.
ارنايى وليمپيادا ويىندارى 1962-جىلى يۋنيس كەننەدي شرايۆەردىڭ باستاماسىمەن ا ق ش جەرىندە دۇنيەگە كەلگەن. بۇگىندە ول اقىل-وي مۇمكىندىگى شەكتەۋلى بالالارعا ارنالعان ءىرى سپورتتىق ۇيىم سانالادى. لوس-اندجەلەستە وتەتىن بيىلعى جازعى ارنايى وليمپيادا ويىندارىنا الەمنىڭ 160 تان استام ەلىنەن سپورتشىلار باق سىناماق. ونىڭ اشىلۋ سالتاناتىنا ا ق ش- تىڭ ءبىرىنشى حانىمى ميشەل وباما قاتىسادى. ال قۇرامىندا 21 مىڭ اتلەتشى بار Special Olympics Kazakhstan قوزعالىسى ەلىمىزدە 1990-جىلدان بەرى جۇمىس جاساپ كەلەدى.
