كوكشەتاۋ جاستارى قالاداعى اسەم گۇلزارلار تۋرالى بەينەروليك ءتۇسىردى - كەسكىن
«مۇنداي بەينەروليكتى جاساۋ جوسپاردا بولعان جوق. كەشكە تامان دوستارىممەن بىرگە قالا ساياباعىندا دەمالىپ جۇرگەن كەزىمىزدە ويعا كەلدى. بىزگە ءتۇرلى-ءتۇستى ەتىپ ءارى اسەم بەزەندىرىلگەن كوزدىڭ جاۋىن الاتىن گۇلدەر جايقالىپ ءوسىپ تۇرعان الاڭقايلار مەن گۇلزارلار قاتتى ۇنادى. وسى ساتتەن ءبىز كوپ ويلانباستان ءتۇسىرىلىمدى باستاپ كەتتىك. ول ءۇشىن بىزگە ەش قيىندىق تۋىنداعان جوق. قاجەت دەگەن گۇلدەرىمىز قاسىمىزدان تابىلىپ جاتتى»، - دەيدى يدەيانىڭ اۆتورى ارينا يساكوۆا.
ونىڭ پىكىرىنشە، جاستار مەن جەرگىلىكتى تۇرعىندار وزدەرىنىڭ تۋىپ-وسكەن جەرلەرى جونىندە كوپ ايتىپ، كوپ كورسەتۋلەرى كەرەك. بۇل ءوز كەزەگىندە قازاقستاندىق جاستاردىڭ پاتريوتتىق سەزىمىن وياتىپ، قالىپتاستىرۋعا سەپتىگىن تيگىزبەك.
«ءبىزدىڭ كوكشەتاۋدا قول جەتكىزىلگەن يگى جەتىستىكتەر مول. جاقىندا ولاردى دا كورسەتەتىن بولامىز»، - دەيدى بەلسەندى جاستار.
