08:36, 28 - شىلدە 2015 | GMT +5
الەۋمەتتىك جەلىلەر جاستاردىڭ دەنساۋلىعىنا زيان كەلتىرەدى
استانا. قازاقپارات - ەگەر ءجاسوسپىرىم Facebook, Twitter نەمەسە Instagram الەۋمەتتىك جەلىلەرىندە كۇنىنە ەكى ساعاتتان استام ۋاقىت وتكىزسە، ول اقىل- وي پروبلەمالارىنا، پسيحولوگيالىق كۇيزەلىسكە ۇشىراۋى مۇمكىن نەمەسە ءتىپتى مۇنىڭ ارتى ءوز- وزىنە قول جۇمساۋعا اكەلىپ سوقتىرۋى عاجاپ ەمەس، دەپ جازادى meddaily.ru.
عالىمدار ەرىكتىلەر توبىنداعى جاسوسپىرىمدەردىڭ الەۋمەتتىك جەلىلەرگە كەتىرگەن ۋاقىتىن سالىستىرعان. زەرتتەۋگە قاتىسقان جاسوسپىرىمدەردىڭ ەڭ كىشىسى جەتىنشى سىنىپ وقۋشىسى بولعان. ولاردىڭ 25 پايىزى الەۋمەتتىك جەلىلەردە كۇنىنە ەكى ساعاتتان ارتىق ۋاقىت وتىرعان، دەپ حابارلايدى The Times of India.
كەيبىرەۋلەر ءۇشىن الەۋمەتتىك جەلىلەر ناعىز پروبلەماعا اينالعان. ساراپشىلاردىڭ پىكىرىنشە، الەۋمەتتىك جەلىلەردىڭ بارلىق كۇشىن پسيحولوگيالىق كومەكتىڭ ناسيحاتتالۋى ءۇشىن قولدانۋ قاجەت. الەۋمەتتىك جەلىلەر جاستاردىڭ قاۋىپكە ۇشىرايتىن توپتارى مەن مەديتسينا ساراپشىلارىن بايلانىستىرا الادى.
