13:29, 28 - شىلدە 2015 | GMT +5
قازاق جۇلدىزدارى اۆستريالىقتاردى ءتانتى ەتتى
استانا. قازاقپارات - اۆستريانىڭ گۋتەنبرۋنن اتالاتىن كىشىگىرىم مەكەنىندە قازاق كلاسسيكتەرىنىڭ تۋىندىلارى ورىندالدى.
قازاقتىڭ ءتىلىن تۇسىنبەسە دە، ەۋروپا جۇرتى باعا جەتپەس ونەر مەن سۇلۋلىقتىڭ ءتىلىن تۇسىنەدى.
جيىلعان حالىق مۇقان تولەبايەۆ، لاتيۆ حاميدي، عازيزا جۇبانوۆا، مانسۇر ساعاتوۆ، ەۆگەني برۋسيلوۆسكي سەكىلدى باسقا دا الەمدىك كلاسسيكتەر مەن قازاقتىڭ حالىق اندەرىن تىڭداپ، ورىنداۋشىلارعا ءتانتى بولىپ قايتتى.
قازاق حالقىنىڭ كەڭپەيىل كوڭىلى مەن بايتاق دالاسىنىڭ دارحاندىعىن اۆستريا جۇرتى ءان ارقىلى تۇسىنگەن سىڭايلى. زال تولى كورەرمەن شاپالاقتارىن اياماي، كەۋدەنى كەرنەگەن قۋانىشتارىن جاسىرا المادى. بۇنىڭ بارلىعى انشىلەرگە كورسەتىلگەن قۇرمەت ەدى، دەپ جازادى khabar.kz.
