00:10, 28 - شىلدە 2015 | GMT +5
مايكل دجەكسوننىڭ اكەسى ينسۋلتتەن كەيىن زاعيپ بولىپ قالدى
استانا. قازاقپارات - مارقۇم مايكل دجەكسوننىڭ اكەسى اۋرۋحاناعا ءتۇستى.
امەريكالىق ب ا ق- تىڭ دەرەكتەرىنە سۇيەنسەك، پروديۋسەر دجو دجەكسون برازيليالىق سان- پاۋلۋ قالاسىنداعى گوسپيتالداردىڭ بىرىندە قارقىندى تەراپيا پالاتاسىنا جاتقىزىلدى.
26 -شىلدەدە دجەكسون 87 گە تولدى. TMZ دەرەكتەرىنە سۇيەنسەك، دجەكسون ينسۋلت الىپ، كوزى مۇلدەم كورمەي قالعان. 2012 -جىلى دا ول اۋرۋحاناعا ينسۋلتپەن تۇسكەن بولاتىن.
دجەكسون وتباسىنا جاقىن دەرەككوز ونى دارىگەرلەردىڭ تەكسەرىپ جاتقانىن حابارلادى. ال تۋىستارى ونى ەمدەۋ ءۇشىن اقش- قا جەتكىزۋ ماسەلەسىن قاراستىرىپ جاتىر.
دجو دجەكسون 22 -شىلدە كۇنى برازيلياعا تۋعان كۇنىن تويلاۋعا كەلگەن. ءبىراق دجەكسون سىرقاتتانىپ قالىپ، مەرەكەگە قاتىسا المادى. دەگەنمەن سان- پاۋلۋدىڭ گولف- كلۋبتارىنىڭ بىرىندە سالتاناتتى كەش ءوتتى.
