استاناداعى حالىقارالىق قارجى ورتالىعى ەرەكشە پرەفەرەنسيالارى بار ارنايى ەكونوميكالىق ايماققا اينالادى - ەلباسى
بۇل تۋرالى بۇگىن دۇنيەجۇزىلىك ساۋدا ۇيىمى باس كەڭەسىنىڭ وتىرىسىندا ەلباسى نۇرسۇلتان نازاربايەۆ ايتتى.
«د س ۇ- عا كىرۋ كەلىسسوزدەرى ۋاقىتىندا قازاقستاندىق ەكونوميكانىڭ كونفيگۋراتسياسى ايتارلىقتاي وزگەرىسكە ۇشىرادى. بىرىنشىدەن، ول بارىنشا قۋاتتى ءارى اشىق بولا ءتۇستى. حالىقتىڭ جان باسىنا شاققانداعى جالپى ىشكى ءونىمى 18 ەسە ارتىپ، ورتالىق جانە شىعىس ەۋروپا ەلدەرىنىڭ دەڭگەيىمەن تەڭەستى. سىرتقى ساۋدا كولەمى 120 ميلليارد امەريكاندىق دوللارعا جەتتى. ءبىزدىڭ سىرتقى ساۋدا اينالىمىمىزدىڭ 90 پايىزدان استامى د س ۇ- عا مۇشە ەلدەرگە تيەسىلى»، - دەدى ەلباسى.
مەملەكەت باسشىسى وسى رەتتە قازاقستاننىڭ شەت مەملەكەتتەرمەن قارىم- قاتىناسى كەڭەيە تۇسكەندىگىن باسا اتاپ ءوتتى.
«ەگەر 90 -جىلداردىڭ ورتاسىندا قازاقستان پوسكەڭەستىك كەڭىستىك ەلدەرىمەن عانا ساۋدا بايلانىسىن ورناتسا، بۇگىندە ءبىز الەمنىڭ 185 ەلىمەن ساۋدا- ساتتىقتى جولعا قويدىق. قازاقستاننىڭ نەگىزگى ەكونوميكالىق سەرىكتەستەرى ەۋروپالىق وداق ەلدەرى بولىپ تابىلادى. ءبىزدىڭ سىرتقى ساۋدامىزدىڭ 54 پايىزدان استامى وسى ەلدەرگە تيەسىلى. قازاقستاننىڭ تاۋار اينالىمىنا رەسەي فەدەراتسياسىمەن، قىتاي حالىق رەسپۋبليكاسىمەن، امەريكا قۇراما شتاتتارىمەن، كانادامەن جانە باسقا دا ەلدەرمەن اراداعى ساۋدا- ساتتىق ايتارلىقتاي ۇلەس قوسۋدا»، - دەدى ق ر پرەزيدەنتى.
سونىمەن قاتار ەلباسى سوڭعى جيىرما جىلدىڭ ىشىندە قازاقستان ەكونوميكاسىنىڭ قۇرىلىمى بايىپتى وزگەرىسكە ۇشىراعانىن باسا اتاپ ءوتتى.
مۇنان بولەك ق ر پرەزيدەنتى د س ۇ اياسىندا قارجىلىق قىزمەتتەردى ىرىقتاندىرۋ استانادا حالىقارالىق قارجى ورتالىعىن قۇرۋمەن قاتار جۇرەتىندىگىن جەتكىزدى. ول دۋباي ورتالىعىنا بالاما رەتىندە قۇرىلادى. اعىلشىن تىلىندە بريتاندىق زاڭناما نەگىزىندە جۇمىس ىستەيتىن بولادى. سونىمەن بىرگە ول ەرەكشە پرەفەرەنتسيالار ۇسىناتىن ەركىن ەكونوميكالىق ايماققا اينالادى.
اۆتور: مارلان جيەمباي
