زەينەتكەر جەتى جىل بويى شەنەۋنىكتەرگە ءوزىنىڭ ءتىرى ەكەندىگىن دالەلدەي الماعان

استانا. قازاقپارات - پروكۋراتۋرا سوت ارقىلى جەتى جىل بۇرىن مەملەكەتتىك تىركەۋ تۋرالى اكت جازبالارىنا قاتەلىكپەن رەسەيدىڭ كرىمسك قالاسىنىڭ تۇرعىنى 63 جاستاعى زەينەتكەردىڭ ءولۋى تۋرالى جازىلعان جازبا كۇشىنىڭ جويىلۋىنا قول جەتكىزدى، دەپ حابارلادى ر ي ا نوۆوستي كراسنودار ولكەسىنىڭ باقىلاۋ ۆەدومستۆوسىنا سىلتەمە جاساپ.

جەرگىلىكتى ا ح ا ج «بەلگىسىز ادامنىڭ ءمايىتىن تاپقان ميليتسيا قىزمەتكەرلەرىنىڭ حاتتاماسى نەگىزىندە» 2007 -جىلى 26 -قىركۇيەكتە ايەلدى قايتىس بولدى دەپ تىركەگەن.

«ايەل ادام بۇل ماسەلەنى كوتەرگەنىمەن، لاۋازىمدى تۇلعالار ونى شەشۋگە اسىقپادى. سونىمەن قاتار، 2014 -جىلدىڭ 1 -تامىزىنان رەسەي زەينەت قورىنىڭ قىرىم ولكەسىندەگى باسقارماسى زەينەتكەرگە زەينەتاقىنى تولەۋدى توقتاتقان»، دەپ اتاپ ءوتتى پروكۋراتۋرادان.

ايەل جەرگىلىكتى پروكۋروردىڭ كومەگىنە جۇگىنگەن. ول ءىستى سوتقا جىبەردى.

«قازىر سوت پروكۋراتۋرا تالابىن قولدادى، ازاماتشا قۇقىعى قالپىنا كەلتىرىلدى، زەينەتاقى كولەمى قايتا ەسەپتەلدى»، - دەدى ۆەدومستۆوداعىلار.