تىنىق مۇحيتىنان ەكىنشى دۇنيەجۇزىلىك سوعىستا جوعالعان ۇشاقتار تابىلدى

استانا. قازاقپارات - دايۆەر- فوتوگراف برەندي ميۋللەر تىنىق مۇحيتىنىڭ تۇبىنەن ەكىنشى دۇنيەجۇزىلىك سوعىستا قولدانىلعان ۇشاقتار شوعىرىن تاۋىپ الدى.

ۇشاقتاردىڭ كوپشىلىگى جاپوندىق جانە امەريكالىق بولعاندىقتان، ولاردىڭ وسى ۋاقىت ارالىعىنا تيەسىلى ەكەنىن برەندي وڭاي اڭعارعان.

ول ءوزىنىڭ تاڭدانىسىن بىلاي دەپ جەتكىزگەن: «سۋ استىنان ادەتتەگىدەي كەمە ەمەس، ۇشاقتاردى كورۋ تاڭعالارلىق ءارى اسەرلى وقيعا بولدى. العاشىندا ءوز كوزىمە ءوزىم سەنبەدىم".

ۇشاقتار مارشالل ارالدارىنىڭ جاقىن جەردە ورىن تەۋىپتى. ەكىنشى دۇنيەجۇزىلىك سوعىس كەزىندە بۇل جەردە ۇلكەن اۋە كۇشتەرىنىڭ شايقاسى بولعان. اۋەدە "جارالىنىپ"، ىستەن شىققاندارى قۇلديلاپ سۋ تۇبىنە كەتكەن.

70  جىلدان بەرى 39-40 مەتر سۋ تۇبىندە جاتقان ۇشاقتاردىڭ ىشىنەن مىناداي مودەلدەردى كەزدەستىرۋگە بولادى: F4U Corsairs, TBF/TBM Avengers, Helldivers, B-25 Mitchells, Curtiss C-46 Commandos جانە F4F Wildcat.

massaget.kz