د س ۇ: قازاقستان الەممەن بارىنشا ىقپالداسا ءتۇسۋ ءۇشىن باسەكەگە قابىلەتتى بولۋى كەرەك - چ. وساكۆە
بۇل تۋرالى بۇگىن قازاقستاندىق ب ا ق وكىلدەرىنە شاعىن سۇحبات بەرگەن دۇنيەجۇزىلىك ساۋدا ۇيىمى مۇشەلىككە قابىلداۋ جونىندەگى دەپارتامەنتىنىڭ ديرەكتورى چيەدۋ وساكۆە ايتتى.
«جەكە سەكتوردا جۇمىس ىستەگەن ءاربىر ادام بيزنەس سالاسىنىڭ باسەكەگە قابىلەتتىگىن ساقتاۋ ءۇشىن ۇنەمى قولداۋ كورسەتۋ قاجەتتىگىن جاقسى بىلەدى. باسەكەلەستىكتىڭ قانداي ەكەندىگىن وليمپيادا چەمپيوندارىنان سۇراۋ كەرەك. سىزدەر جاڭا تەحنولوگيالار، جاڭا ءبىلىم الۋ ءۇشىن، الەمدىك قوعامداستىقپەن بارىنشا ىقپالداسا ءتۇسۋ ءۇشىن شەكارالارىڭىزدى اشۋلارىڭىزعا تۋرا كەلەدى. جاھاندىق ەكونوميكانىڭ باسىمدىعى وتە زور»، - دەدى ول.
وسى رەتتە ول كەز كەلگەن ۇكىمەت، بيزنەستىڭ كەز كەلگەن وكىلى، بارلىق حالىق بارىنشا باسەكەگە قابىلەتتى بولۋى كەرەكتىگىن باسا ايتتى.
«دەگەنمەن، بۇل پروتسەستە جاقسى قولباسشىنىڭ مىعىم قولى قاجەت. ال ءبىز مۇنى قازاقستاننان كورىپ وتىرمىز»، - دەدى چ. وساكۆە.
ەستەرىڭىزگە سالا كەتەيىك، قازاقستان دۇنيەجۇزىلىك ساۋدا ۇيىمىنا كىرۋگە قاتىستى كەلىسسوزدەرىن 1996 -جىلدىڭ قاڭتار ايىندا باستاعان بولاتىن.
19 جىلعا سوزىلعان كۇردەلى كەلىسسوزدەر وسى جىلدىڭ 10 -ماۋسىمىندا تابىستى اياقتالعان ەدى. بۇگىن ەلباسىمىز نۇرسۇلتان نازاربايەۆ قازاقستاننىڭ دۇنيەجۇزىلىك ساۋدا ۇيىمىنا قوسىلۋى تۋرالى حاتتاماعا قول قوياتىن بولادى.
اۆتور: مارلان جيەمباي
