قازاقستاندىقتار قاي ەلدەرگە ءجيى قونىس اۋدارادى؟
شالعاي شەتەل اراسىندا قازاقستاندىقتاردىڭ تاڭداۋى كوبىنە گەرمانياعا تۇسەتىنى انىقتالدى. بۇل تۋرالى lsm.kz-كە سىلتەمە جاساپ NUR. KZ حابارلايدى.
گەرمانياعا اتالعان ۋاقىتتا 3,5 مىڭنان استام قازاقستاندىق كوشكەن. ال 941 تۇرعىن ا ق ش- قا قونىس اۋدارعان دەپ مالىمدەدى ءى ءى م ميگراتسيالىق پوليتسيا دەپارتامەنتى باسشىسىنىڭ مىندەتىن اتقارۋشى ەركىن بايباتچين.
ودان كەيىنگى ورىنداردا: كانادا - 620 ادام، يزرايل - 428 ادام، پولشا - 313 جانە يسپانيا - 50 ادام.
4,5 جىلدا قازاقستاندى تاستاپ، شەتەلگە كوشكەن تۇرعىندار سانى شامامەن 9,4 مىڭعا جەتكەن.
ت م د ەلدەرىنە اتالمىش مەرزىمدە 131 مىڭنان استام جەرلەسىمىز كوشكەن. رەسمي دەرەكتەرگە سايكەس، 2011-2014-جىلدار ارالىعىندا شالعاي شەتەلگە تۇراقتى قونىستانۋعا كەتكەن قازاقستاندىقتار سانى ەكى ەسە ارتقان. 1,47 مىڭنان 3,02 مىڭ ادامعا دەيىن وسكەن. ال وسى جارتىجىلدىقتا ولاردىڭ سانى 1,33 مىڭعا جەتكەن.
نەگىزىنەن قونىس اۋدارۋشىلاردىڭ كوبى قاراعاندى، قوستاناي جانە پاۆلودار وبلىستارىنان بولىپ شىقتى.
