12:24, 27 - شىلدە 2015 | GMT +5
تانىمال قازاقستاندىق سپورتشى قۋات حاميتوۆ الماتىداعى سەلدەن زارداپ شەككەندەرگە ميلليون تەڭگە اۋداردى
الماتى. قازاقپارات - «نايمان» اتىمەن تانىلعان قازاقستاندىق م م ا سپورتشىسى قۋات حاميتوۆ الماتىداعى سەلدەن زارداپ شەككەندەردىڭ قورىنا ءبىر ميلليون تەڭگە اۋداردى. بۇل تۋرالى سپورتشى Instagram الەۋمەتتىك جەلىسىندەگى جەكە پاراقشاسىندا جازدى.
سونداي-اق تانىمال سپورتشى بارلىق قازاقستاندىقتاردى كومەككە مۇقتاج جەرلەستەرىنە كومەكتەسۋگە شاقىردى.
ەستەرىڭىزگە سالا كەتەيىك، 23- شىلدە كۇنى قارعالى وزەنىندە سۋ دەڭگەيىنىڭ كوتەرىلۋى سالدارىنان «قارعالى» جانە «تاۋسامالى» شاعىن اۋداندارىن سۋ باسۋى ورىن الدى. سونىڭ سالدارىنان الماتى قالاسىنىڭ اۋەزوۆ، ناۋرىزباي جانە الاتاۋ اۋداندارىنداعى تۇرعىن ۇيلەر زارداپ شەككەن. سوڭعى مالىمەتتەر بويىنشا، شامامەن 900 ادام قاۋىپسىز جەرگە كوشىرىلدى.
