ا ق ش، جاپونيا جانە وڭتۇستىك كورەيا ك ح د ر- دىڭ يادرولىق باعدارلاماسى بويىنشا كەزدەسۋ وتكىزەدى
«التىلىق» كەلىسسوزدەرى بەيجىڭدە 2006-2009-جىلدار ارالىعىندا رەسەي، قىتاي، ا ق ش، جاپونيا، ك ح د ر جانە كورەيا رەسپۋبليكاسى جوعارى شەندى ديپلوماتتارىنىڭ قاتىسۋىمەن وتكەن بولاتىن. الايدا، ولار پحەنياننىڭ يادرولىق جاسالىمدارىن توقتاتۋ ماقساتىنا قول جەتكىزە المادى، دەپ حابارلادى ر ي ا نوۆوستي.
جاپونيا س ءى م حابارلاۋىنشا، توكيوداعى ءۇشجاقتى كەزدەسۋدە وداقتاستار دەلەگاتسيالارىنىڭ باسشىلارى «سولتۇستىك كورەياداعى سوڭعى جاعدايلارعا قاتىستى پىكىر الىسادى» جانە ءبىر-بىرىمەن تىعىز ىنتىماقتاستىقتى جالعاستىرۋ نيەتىن قۋاتتايدى.
كەزدەسۋگە جاپونيا س ءى م ازيالىق دەپارتامەنتىنىڭ كەڭەسشىسى سيگەكي تاكيدزاكي، التىجاقتى كەلىسسوزدەر جونىندەگى ا ق ش- تىڭ ارنايى وكىلى سيدني سەيلەر جانە كورەيا رەسپۋبليكاسى س ءى م سولتۇستىك كورەيالىق يادرولىق باعدارلاما پروبلەمالارى جونىندەگى ساياساتتى ۇيلەستىرۋ ءبولىمىنىڭ باسشىسى كيم گون قاتىسادى.
بيىلعى جىلدىڭ مامىر ايىندا سەۋلدە ا ق ش، جاپونيا جانە وڭتۇستىك كورەيا جوعارى شەندى وكىلدەرىنىڭ وسىنداي كەزدەسۋى وتكەن بولاتىن. ونىڭ قورىتىندىلارى بويىنشا، ولار ق ح د ر- عا قىسىمدى كۇشەيتە ءتۇسىپ، بۇل ەلدى كەلىسسوزدەر ۇستەلىنە «قايتارۋعا» تىرىساتىنىن مالىمدەدى.
پحەنياندا بۇل مالىمدەمەنى ت س ساندىراق دەپ اتادى، ويتكەنى ا ق ش جانە ونىڭ وداقتاستارى ەمەس، ك ح د ر كەلىسسوزدەرگە شاقىرىپ، الدىن الا شارتتارىن ۇسىندى.
بۇدان بۇرىن ر ي ا نوۆوستي اگەنتتىگىنە بەرگەن سۇحباتىندا ر ف س ءى م ەرەكشە تاپسىرمالار جونىندەگى ەلشىسى گريگوري لوگۆينوۆتىڭ اتاپ وتۋىنشە، ا ق ش- تىڭ، جاپونيانىڭ جانە وڭتۇستىك كورەيانىڭ ك ح د ر- عا ونىڭ يادرولىق باعدارلاماسىن توقتاتۋ ءۇشىن قىسىمدى كۇشەيتۋگە تىرىسۋ ارەكەتتەرى وڭ ناتيجەلەرگە قول جەتكىزبەيدى.
