قازاقستاندىق ستۋدەنت بىرىككەن ۇلتتار ۇيىمىنىڭ مىنبەرىنەن ءسوز سويلەدى - فوتو
شاڭحايدىڭ تونگجي ۋنيۆەرسيتەتىندە «بولاشاق» باعدارلاماسىمەن ءبىلىم الىپ جاتقان جەرلەسىمىز بيىل ب ۇ ۇ- نىڭ «كوپ تىلدەر - ءبىر الەم-2015» اتتى دۇنيەجۇزىلىك شىعارماشىلىق سايىسىنا قاتىسىپ، جەڭىمپازدار قاتارىنان تابىلعان بولاتىن.
ۇيىمداستىرۋشىلار الەمنىڭ 130 ەلىنەن ب ۇ ۇ- نىڭ رەسمي 6 تىلىندە جازىلعان 3500 ستۋدەنتتىڭ شىعارمالارىن سارالاپ، ەڭ لايىقتى دەگەن 70 جۇمىستى تاڭداپ العانى بەلگىلى.
ولجاس شىعارماسىن قىتاي تىلىندە جازعان. وسىلايشا، جاھاندىق ايگىلى ينستيتۋتتىڭ مىنبەرىنەن ءسوز سويلەۋ مۇمكىندىگى بۇيىرعان وتانداسىمىز ءوزىنىڭ بايانداماسىن قورشاعان ورتانى قورعاۋ ماسەلەلەرى مەن استانادا وتەتىن EXPO-2017 كورمەسى تاقىرىبىنا ارنادى.
«قۇرمەتتى دوستار، بالا كۇنىمدە مەن ب ۇ ۇ- نىڭ مىنبەرىنەن ءوز انا تىلىمدە ءسوز سويلەۋدى ارماندايتىنمىن. ول ارمانىم ءدال قازىر ورىندالدى. ەندى مەنىڭ كەلەسى ارمانىم - بولاشاق ۇرپاعىمىزدىڭ دەنى ساۋ ءومىر ءسۇرۋى»، - دەپ باستادى بايانداماسىن ول. الەمدە يادرولىق قارۋدان تۇڭعىش بولىپ ءبىرجولاتا باس تارتقان قازاقستان باسشىسىنىڭ كورەگەندىگىن تىلگە تيەك ەتكەن ولجاس ەلىمىزدە جاسىل ەنەرگەتيكاعا ايرىقشا باسىمدىق بەرىلىپ وتىرعاندىعىن ايتتى.
بۇل رەتتە ءوزى ءبىلىم الىپ جاتقان قىتايدىڭ لاستانعان ەكولوگياسىن مىسال ەتتى. سونداي-اق الەم حالىقتارىنىڭ اۋقاتتى جانە سالاۋاتتى ءومىر ءسۇرۋى ءۇشىن تازا اۋىزسۋ، كۇتىمدى سانيتارلىق-گيگيەنالىق جاعداي جانە تازا قورشاعان ورتا قاجەتتىگىن اتاپ، كۇردەلى ماسەلەنى شەشۋ جولدارىن كەلتىردى. «د د ۇ- نىڭ دەرەگىنشە، بۇگىندە الەمدە تىركەلگەن %33 اۋرۋلار تىكەلەي قورشاعان ورتامەن بايلانىستى. سونىڭ 2/3 ءى بالالارعا كەسىرىن تيگىزۋدە»، - دەپ اتاپ ءوتتى قازاقستاندىق ستۋدەنت.
و. سۇلەيمەنوۆ ارىپتەستەرىن جاسىل ەنەرگەتيكانى جاڭعىرتۋ ىسىنە جۇمىلا ۇلەس قوسۋعا ۇندەپ، استانادا وتەتىن EXPO-2017 كورمەسىن كورىپ قايتۋعا شاقىردى.
www.24.kz
