قىتايدا بۇزىلعان ەسكالاتور ايەلدى «شايناپ» ءولتىردى - كەسكىن

استانا. قازاقپارات - قىتايدىڭ حۋبەي پروۆينتسياسىندا جانتۇرشىگەرلىك ءجايت تىركەلدى.

مۇنداعى ساۋدا ورتالىعىنا بالاسىمەن كەلگەن ايەل ەسكالاتورمەن جوعارى كوتەرىلە باستادى. ەكىنشى قاباتقا جەتىپ، العا قادام باسا بەرگەن ونى كەنەتتەن جەر «جۇتتى».

ەڭ سوڭعى جان-دارمەنمەن ءسابيىن «جالماعىش» ەسكالاتوردان قۇتقارىپ ۇلگىرگەن جاس انا تەمىر قىسقىشتىڭ اراسىندا شاينالىپ، قۇردىمعا كەتتى.

ونى قۇتقارماق بولعان قىزمەتكەرلەر ارەكەتىنەن تۇك شىقپادى. ادام تانىماستاي بولىپ، مىلجالانعان ايەل تەمىر قۇرساۋىنان تەك 3 ساعاتتان كەيىن عانا شىعارىپ الىندى.

وكىنىشكە وراي، ول العان كوپتەگەن جاراقاتى مەن قان كەتۋدەن سول جەردە كوز جۇمعان. ساۋدا ورتالىعىنىڭ وكىلدەرى ادام شوشىرلىق وقيعاعا تۇسىنىكتەمە بەرگەن جوق.

قازىر ادام ولىمىنە بايلانىستى تەرگەۋ جۇرگىزىلۋدە، دەپ حابارلايدى informing.ru.

دايىنداعان: گ. ابيلوۆا

www.24.kz