قازاقستاندا ءبىلىم گرانتتارىن تاعايىنداۋ كونكۋرسىنا وتىنىشتەر قابىلداۋ جالعاسۋدا

استانا. قازاقپارات - قازاقستاندا ءبىلىم گرانتتارىن تاعايىنداۋ كونكۋرسىنا وتىنىشتەر قابىلداۋ جالعاسۋدا. بۇل تۋرالى ۇلتتىق تەستىلەۋ ورتالعىنىنان حابارلادى.

2015-جىلدىڭ شىلدە ايىنىڭ 23-31 ءى ارالىعىندا بارلىق جوعارى وقۋ ورىندارىنىڭ قابىلداۋ كوميسسيالارىندا ءبىلىم گرانتتارىن تاعايىنداۋ كونكۋرسىنا وتىنىشتەر قابىلدانادى.

كونكۋرسقا قاتىسۋ ءۇشىن تالاپكەر جوعارى وقۋ ورنىنىڭ قابىلداۋ كوميسسياسىنا ءوتىنىش، اتتەستات نەمەسە ديپلوم (ءتۇپ نۇسقا)، ۇ ب ت نەمەسە ت ك ت سەرتيفيكاتى، 3×4 كولەمىندەگى 2 دانا فوتوسۋرەت، 086-ۋ نىسانى بويىنشا مەديتسينالىق انىقتاما، جانە سونىمەن قاتار جەكە كۋالىگىنىڭ كوشىرمەسىن تاپسىرۋى ءتيىس.

ءبىلىم گرانتىن تاعايىنداۋ كونكۋرسىنا قاتىسۋ كەزىندە قازاق ءبولىمى ءۇشىن قازاق ءتىلى، قازاقستان تاريحى، ماتەماتيكا جانە تاڭداۋ ءپانى؛ ورىس ءبولىمى ءۇشىن ورىس ءتىلى، قازاقستان تاريحى، ماتەماتيكا جانە تاڭداۋ ءپانىنىڭ بالدارى ەسكەرىلەدى. ەگەر، تالاپكەر ۇ ب ت شەڭبەرىندە تاپسىرىلعان 5 ءپاننىڭ بىرەۋىنەن نەمەسە ت ك ت پاندەرىنىڭ بىرەۋىنەن 4 بالدان تومەن السا، وندا ول ءبىلىم گرانتتارىن تاعايىنداۋ كونكۋرسىنا جانە ج و و- عا اقىلى بولىمگە دە جىبەرىلمەيدى.

كونكۋرسقا ءوتىنىش بەرۋ بارىسىندا تالاپكەر تاڭداۋ ءپانى سايكەس كەلگەن جاعدايدا 4 ماماندىق (شىعارماشىلىق ماماندىقتاردان باسقا) جانە ءتورت ج و و- نى كورسەتە الادى.

كونكۋرسقا ءوتىنىش قابىلداۋ اياقتالىپ، بازا جابىلعاننان كەيىن، 1- تامىزدان باستاپ ۇلتتىق تەستىلەۋ ورتالىعى ءبىلىم گرانتتارىن تاعايىنداۋ بويىنشا رەسپۋبليكالىق كونكۋرستىق كوميسسيانىڭ وتىرىسىنا قۇجاتتار دايىندايدى.

ءبىلىم گرانتتارىن تاعايىنداۋ بويىنشا رەسپۋبليكالىق كونكۋرستىق كوميسسيانىڭ وتىرىسى 2015-جىلدىڭ 1-10- تامىزى ارالىعىندا وتەدى.

ءبىلىم گرانتتارىن تاعايىنداۋ بويىنشا رەسپۋبليكالىق كونكۋرستىق كوميسسيا جۇمىسى اياقتالعاننان كەيىن ءبىلىم گرانتى يەگەرلەرىنىڭ ءتىزىمى «ەگەمەن قازاقستان» جانە «كازاحستانسكايا پراۆدا» رەسپۋبليكالىق گازەتتەرىندە، سوىنمەن قاتار ۇلتتىق تەستىلەۋ ورتالىعىنىڭ www.testcenter.kz سايتىندا جاريالانادى.

سونىمەن قاتار، وسى سايتتا كونكۋرسقا ءوتىنىش قابىلداۋ بويىنشا بارلىق نورماتيۆتىك قۇجاتتار جۇكتەلدى.