09:53, 27 - شىلدە 2015 | GMT +5
پرەزيدەنت كۋبوگى: قازاقستان قۇراماسى گرەك-ريم كۇرەسىنەن ەكىنشى ورىندى يەلەندى
استانا. قازاقپارات - استانادا گرەك-ريم، ەركىن جانە ايەلدەر كۇرەسىنەن پرەزيدەنت كۋبوگىن ساراپقا سالعان حالىقارالىق تۋرنير ءوز مارەسىنە جەتتى، دەپ جازادى سپورت. كز.
تۋرنيردىڭ سوڭعى كۇنى گرەك-ريم كۇرەسىنىڭ پالۋاندارى شەبەرلىك سىناستى. فينالدىق بەلدەسۋدە قازاقستان قۇراماسى 3:5 ەسەبىمەن رەسەيلىكتەرگە ەسە جىبەردى. ال وزبەكستان قۇراماسى قولا جۇلدەنى قاناعات تۇتتى.
ق ر پرەزيدەنتى كۋبوگى جولىنداعى جارىسقا رەسەي، ءۇندىستان، موڭعوليا، قىرعىزستان، وزبەكستان، گرۋزيا، بەلارۋس ەلدەرى وزدەرىنىڭ مىقتى بالۋاندارىن اكەلگەن بولاتىن.
ايتا كەتەيىك، بيىل ءداستۇرلى سايىسقا ءبىرقاتار وزگەرىستەر ەنگىزىلدى. بۇعان دەيىن پرەزيدەنت كۋبوگى تۋرنيرىنە تەك كلاسسيكالىق ستيلدەگى كۇرەس پالۋاندارى قاتىساتىن بولسا، بيىل ەركىن كۇرەس شەبەرلەرى مەن ايەلدەر كۇرەسىنىڭ مىقتىلارى قوسىلدى. سونداي-اق، جەكەلەي سىن الىنىپ تاستالىپ، تۋرنير كوماندالىق باسەكە فورماتىندا ءوتتى.
