08:56, 27 - شىلدە 2015 | GMT +5
تۋريستەر تولى اۆتوبۋس كوپىردەن وزەنگە قۇلاپ كەتتى
استانا. قازاقپارات - پەرۋدىڭ وڭتۇستىك-باتىسىندا ورىن العان كولىك وقيعاسىنان كەم دەگەندە 15 ادام جاپا شەكتى، دەپ حابارلايدى ر ي ا نوۆوستي.
وڭتۇستىك امەريكالىق ەلدىڭ پوليتسياسى سەنبى كۇنى كۋسكو قالاسىنان 30 شاقىرىم قاشىقتىقتا تۋريستەر مىنگەن اۆتوبۋس كوپىردەن وزەنگە قۇلاپ كەتكەنىن حابارلاعان.
الدىن الا بولجام بويىنشا، جۇرگىزۋشى بۇرىلىستا كولىككە يە بولا الماي قالعان. بارلىق جاپا شەككەندەر ايماقتىق اۋرۋحاناعا جەتكىزىلگەن. سولاردىڭ ىشىندە بىرنەشە ادام ايتارلىقتاي اۋىر جاراقات العانى ايتىلادى.
تۋريستەردىڭ قاي ەلدەردىڭ ازاماتتارى ەكەندىگى ايتىلعان جوق، ازىرشە تەك ولاردىڭ اراسىندا ا ق ش ازاماتتارىنىڭ بارى انىقتالعان.
