ن. نازاربايەۆ قازاقستاننىڭ دۇنيەجۇزىلىك ساۋدا ۇيىمىنا قوسىلۋى تۋرالى حاتتامانى راسىمدەدى

جەنەۆا. قازاقپارات - بۇگىن دۇنيەجۇزىلىك ساۋدا ۇيىمى باس كەڭەسىنىڭ وتىرىسىنىڭ قورىتىندىسىندا قازاقستاننىڭ دۇنيەجۇزىلىك ساۋدا ۇيىمىنا قوسىلۋى تۋرالى حاتتاماعا قول قويىلدى.

قۇجاتتى ق ر پرەزيدەنتى نۇرسۇلتان نازاربايەۆ پەن د س ۇ باس ديرەكتورى روبەرتو ازيەۆەدو راسىمدەدى.
وسىدان كەيىن ر. ازيەۆەدو قازاقستان پرەزيدەنتىنە دۇنيەجۇزىلىك ساۋدا ۇيىمىنا مۇشەلىككە وتكەندىگىن رەسمي قۋاتتايتىن «قازاقستان» دەگەن جازۋى بار ارنايى تاقتايشانى تابىس ەتتى.
رەسمي شارا اياقتالعاننان كەيىن د س ۇ حاتشىلىعى مەن قازاقستاندىق دەلەگاتسيا مۇشەلەرى ەستەلىك سۋرەتكە ءتۇستى.
قازاقستان پرەزيدەنتى د س ۇ- عا مۇشە ەلدەر وكىلدەرىنە جان- جاقتى ىنتىماقتاستىقتارى ءۇشىن شىنايى العىسىن ءبىلدىردى. سونىمەن قاتار قازاقستاننىڭ ۇيىمعا مۇشە بارلىق ەلدەردىڭ ەكونوميكالارى مەن حالىقتاردىڭ مۇددەسىنە ساي جۇمىستاردى ودان ارى جالعاستىرۋعا دايىن ەكەندىگىن ايرىقشا اتاپ ءوتتى.