دەسانت بياتلونى بويىنشا سايىس قورىتىندىسى شىعارىلدى
ءبىرىنشى ورىنعا قازاقستان اەروۇتقىر اسكەرلەرى اسكەري بولىمدەرىنىڭ ۇلگىلى پاراشيۋتتىك-دەسانتتىق (دەسانتتىق-شابۋىلداۋ) بولىمشەلەرى تالاستى. ناتيجەسىندە 32363 اسكەري ءبولىمىنىڭ كومانداسى جەڭىسكە جەتتى.
«بۇل دودا اەروۇتقىر اسكەرلەرى اسكەري قىزمەتشىلەرىنىڭ جاۋىنگەرلىك ازىرلىگىن تاعى ءبىر مارتە كورسەتتى. بارلىقتارىڭىز وقۋ جانە جاۋىنگەرلىك تاپسىرمالاردى ورىنداۋعا ازىرلىكتە ەكەندىكتەرىڭىزدى دالەلدەدىڭىزدەر»، - دەپ اتاپ ءوتتى ق ر ق ك ق ءا اەروۇتقىر اسكەرلەرىنىڭ قولباسشىسى گەنەرال- مايور داۋلەت وسپانوۆ.
دەسانت بياتلونى شىلدەنىڭ 20-25 ءى ارالىعىندا 35- دەسانتتىق-شابۋىلداۋ بريگاداسىنىڭ بازاسىندا وتكىزىلدى. التى كۇندىك جارىس ىشىندە قاتىسۋشىلار ءبىرقاتار سىناقتاردان ءوتتى: دەسانتتىق پاراشيۋتتەردى توسەۋ، باعدارلاۋ جانە اسكەري توپوگرافيا، اسكەري-مەديتسينالىق دايىندىق، ا ك-74-تەن وق اتۋ، «اتلەتيزم. تاباندىلىق. العىرلىق» كەدەرگىلەر جولاعى، كاسىبي جاۋىنگەرلىك تاپسىرما، تۇنگى رەيد پەن جۇگىرۋ نورماتيۆتەرىن تاپسىردى.
سايىس بارىسىن ءۇندىستان قارۋلى كۇشتەرىنىڭ وكىلدەرى قاداعالادى. ولار اسكەري قىزمەتشىلەرىمىزدىڭ تەوريالىق جانە پراكتيكالىق دايىندىق دەڭگەيىن جوعارى باعالادى.
