ماسكەۋگە ۇشىپ بارا جاتقان جولاۋشىلار ۇشاعىندا دۇربەلەڭ تۋدى

استانا. قازاقپارات - سامارا- ماسكەۋ باعىتىنداعى جولاۋشىلار ۇشاعى اسپاندا ۇشىپ بارا جاتقان كەزىندە ونىڭ سالونىندا گەرمەتيزاتسياسىزدانۋ ورىن الدى(بورت اۋاسىندا كىنارات شىققان) دەپ حابارلايدى ينتەرفاكس.

ماسكەۋدەگى اۋە ديسپەتچەرلەرى قىزمەتتەرىنىڭ حابارلاۋىنشا، ۆنۋكوۆ اۋەجايىنا قونعانعا دەيىن شامامەن 20 مينۋت ۋاقىت قالعاندا ۇشاق بورتىندا گەرمەتيزاتسياسىزدانۋ ورىن العانى تۋرالى اۋە كەمەسىنىڭ كومانديرى حابارلاعان.

ناتيجەسىندە ۇشاقتى 7 مىڭ مەتر بيىكتىكتەن 3 مىڭ مەتر بيىكتىككە تومەندەتۋ تۋرالى شەشىم قابىلداندى.

ۇشاق ماسكەۋگە امان- ساۋ قوندى. جولاۋشىلار مەن ەكيپاج مۇشەلەرى اراسىندا وقيعادان زارداپ شەككەندەر جوق.

ايتا كەتەيىك، ۇشاقتىڭ نەمەسە عارىش كورابلىنىڭ كابيناسىنىڭ گەرمەتيزاتسياسىزدانۋى سالدارىنان ونداعى وتتەگى كولەمى ازايسا، بۇل جولاۋشىلار مەن ەكيپاجدىڭ اجال قۇشۋىنا اكەلەدى.