استانادا اۆتوبۋستاردى قاس- قاعىمدا تازارتاتىن اۆتوجۋۋ كەشەندەرى اشىلادى
بۇل تۋرالى «قازاقپارات» اگەنتتىگىنىڭ رەسمي ساۋالىنا بەرگەن جاۋابىندا استانا قالاسى اكىمدىگىنىڭ باسپا ءسوز قىزمەتى ءمالىم ەتتى.
ايتا كەتەيىك، اۆتوبۋستاردىڭ سانيتارلىق جاعدايىنا تۇرعىنداردىڭ شاعىمى از تۇسپەيدى.
اكىمدىكتىڭ حابارلاۋىنشا، بارلىق قالالىق قوعامدىق اۆتوبۋستار كۇندەلىكتى ىشكى جانە سىرتقى تازالاۋدان وتەدى.
«وسىعان بايلانىستى، تۇرعىنداردان تۇسەتىن بارلىق شاعىمدار مەن ارىزداردى، سونىڭ ىشىندە سانيتارلىق جاعدايعا بايلانىستى حابارلانعان مالىمدەمەلەردى، مىندەتتى تۇردە قاراستىرامىز. سونىمەن قوسا، كولىك ىشىندە اڭداۋسىز لاستانۋ كوپ جاعدايدا استانا قالاسىنىڭ اۋا رايىنا جانە كوشەلەردە جول ينفراقۇرىلىمىنىڭ بولماۋىنا بايلانىستى تۋاتىنىن ەسكەرتەمىز. مۇنداي جاعدايدا اۆتوبۋس جۇرگىزۋشىلەرى، جول ءجۇرۋ كەستەسىنە ساي، قوسىمشا تازالاۋ جۇمىستارىن وتكىزۋ ءۇشىن، اۆتوپاركتەرگە سوعۋعا تىرىسادى»، - دەپ اتاپ وتەدى قالا باسشىلىعى.
«وسى سۇراقتاردى شەشۋ ماقساتىندا، ءبىز بولەك تۇرعان مودۋلدىك اۆتوجۋۋ كەشەنىن ەنگىزۋدى قاراستىرىپ وتىرمىز. بۇل اۆتوبۋستاردى 3 مينۋت ىشىندە تازالاۋعا مۇمكىندىك بەرەدى»، - دەلىنگەن حابارلامادا.
سونىمەن قاتار بۇگىنگى تاڭدا قالادا كولىكتى باقىلاۋ قىزمەتى قۇرىلعان. ول اۆتوبۋستارداعى جول ءجۇرۋ تولەمدەرىن، جولاۋشىلاردى تاسىمالدايتىن وپەراتورلاردىڭ جۇمىسى مەن اۆتوبۋستاردىڭ تەحنيكالىق جانە سانيتارلىق جاعدايىن باقىلايدى.
اۆتور: جاسۇلان جولدىبايەۆ
