مەشىتتەر سۋ تاسقىنى ايماعىنا كومەك قولىن سوزدى - سۋرەت

استانا. قازاقپارات - قازاقستان مۇسىلماندارى ءدىني باسقارماسىنىڭ ۇيىتقى بولۋىمەن ناۋرىزباي اۋدانىنا قاراستى قاراعايلى ەلدى مەكەنىندە بولعان سۋ اپاتى سالدارىنان زارداپ شەككەن ايماققا اسار ۇيىمداستىرىلدى.

ءبىر اتانىڭ بالالارىنداي بىرىككەن قالا مەشىتتەرىنىڭ يمامدارى مەن مەشىت جاماعاتتارى قازاقتىڭ اسار داستۇرىمەن كومەككە شىقتى.

ناۋرىزباي اۋدانى، قارعالى وزەنىندەگى سۋ تاسقىنىنىڭ كوبەيۋى تۋرالى اقپارات 23 -شىلدە كۇنى، تاڭعى 03.00 دە تاراعان بولاتىن. وقيعا ورنىندا قۇتقارۋشىلار، پوليتسيا، اكىمشىلىك جانە ت ج د قىزمەتكەرلەرىمەن قاتار الماتى ورتالىق مەشىتى باستاعان قالالىق مەشىتتەردىڭ 300 دەن استام جاماعاتتارى دا اپات سالدارىنان بالشىققا باتقان ماڭايدى قالپىنا كەلتىرۋگە قاتىسىپ، ءوز ۇلەستەرىن قوستى.

يبن ومار (ر. ا. ) جەتكىزگەن حاديستە اللا ەلشىسى (وعان اللانىڭ يگىلىگى مەن سالەمى بولسىن): «مۇسىلمان -  مۇسىلماننىڭ باۋىرى. ناعىز مۇسىلمان باۋىرىنا وزبىرلىق جاسامايدى. كىمدە-كىم مۇسىلمان باۋىرىنىڭ قاجەتىنە جاراسا، اللا تاعالا دا ونىڭ قاجەتىن وتەيدى. كىمدە-كىم مۇسىلمان باۋىرىنىڭ قايعى- مۇڭىن سەيىلتسە، اللا تاعالا ونى قيامەت- قايىمنىڭ ءبىر قايعىسىنان قۇتقارادى»، - دەيدى.
بۇل تۋرالى muftyat.kz سايتى حابارلادى.