12:32, 26 - شىلدە 2015 | GMT +5
قىتايدا ەر ادام ۇشىپ بارا جاتقان جولاۋشىلار ۇشاعىن ورتەمەك بولعان
استانا. قازاقپارات - قىتايدا Shenzhen Airlines اۋە كومپانياسى رەيسىنىڭ جولاۋشىسى لاينەر بورتىنا ءورت قويماق بولعان، دەپ حابارلادى مەملەكەتتىك ب ا ق دەپ جازادى BBC.
وقيعا 95 جولاۋشى، توعىز ەكيپاج مۇشەسى مىنگەن ۇشاقتىڭ ەل وڭتۇستىگىندەگى گۋاڭجۋ قالاسىنا قونار ساتىندە ورىن العان. ەسىمى اتالماعان ەر ادام وتتىق پەن جانعىش سۇيىقتىق قولدانىپ، ءورت ۇيىمداستىرماق بولعان.
ەكيپاج مۇشەلەرى مەن باسقا دا جولاۋشىلار قاسكۇنەمدى دەر كەزىندە توقتاتىپ ۇلگەردى. ەكى ادام زارداپ شەگىپ، لاينەر قونعاننان كەيىن اۋرۋحاناعا جەتكىزىلدى.
بارشا الەمدەگى اۆيوكومپانيالار سياقتى قىتاي تاسىمالداۋشىلارى دا بورتقا شاقپاق پەن تەز جانعىش سۇيىقتىقتاردى الىپ كىرۋگە تىيىم سالادى. ەر ادامنىڭ اۋەجايداعى تەكسەرۋدەن قالاي ءوتىپ كەتكەنى بەلگىسىز.
