كوكشەتاۋدا جالعىز باستى اكەگە «كەدەرگىسىز كەلەشەك» جوباسى اياسىندا كومەك كورسەتىلدى
بۇل تۋرالى «نۇر وتان» پارتياسىنىڭ وبلىستىق فيليالىنىڭ باسپا ءسوز قىزمەتىنەن حابارلادى.
بۇگىندەرى مارات كۇرمانبەكوۆ جالعىز ءوزى مۇگەدەك قىزىن تاربيەلەپ وتىر. «نۇر وتان» پارتياسىنىڭ «كەدەرگىسىز كەلەشەك» پارتيالىق جوباسى اياسىندا قوعامدىق قابىلداۋدا بولعان وعان قۇزىرەتتى ورگانداردىڭ وكىلدەرى مەملەكەتتىك جەڭىلدىكتەر جونىندە ءتۇسىندىرىپ بەردى.
قولدانىستاعى تۇرعىن ءۇي زاڭناماسىنا سايكەس مۇگەدەك بالا تاربيەلەپ وتىرعان وتباسىلارعا مەملەكەتتىك تۇرعىن ءۇي قورىنان باسپانا الۋلارىنا بولادى. وسى ورايدا، قوعامدىق قابىلداۋعا كەلگەن وتاعاسىنا ءۇي كەزەگىنە تۇرۋ ءۇشىن قانداي قۇجاتتار جيناپ، قايدا بارۋ جونىندە اقىل- كەڭەستەر بەرىلدى.
سونداي-اق ونىڭ قىزىنا قوعامدىق كولىكپەن تەگىن جەڭىلدىكپەن ءجۇرۋ ءۇشىن جولاۋشىلار كولىگى قاۋىمداستىعى ارقىلى تەگىن جولاقى بيلەتى دە بەرىلەتىن بولدى. ال ورتوپەديالىق اياق كيىم مەن كۋرورتتى- شيپايجايلىق ەم- شيپا الۋعا قاجەتتى قۇجاتتارى كوكشەتاۋ قالالىق جۇمىسپەن قامتۋ جانە الەۋمەتتىك باعدارلامالار بولىمىنە تاپسىرىلدى.
«ءوتىنىش بەرگەن ازامات ورتوپەديالىق اياق كيىمدى كەزەك بويىنشا الاتىن بولىپ وتىر. ال «الماز» ساناتوريىنە جولداما ماسەلەسى شەشىلدى. قازىرگى كەزدە مارات كۇرمانبەكوۆ قىزى كارينامەن بىرگە وسىندا ەم- شيپا الىپ جاتىر»، - دەيدى«نۇر وتان» پارتياسىنىڭ وبلىستىق فيليالىنىڭ باسپا ءسوز قىزمەتكەرى ديانا احمەتوۆا.
اۆتور: اسلان وسپانوۆ
