قازاق ءتىلى تەك بىزگە عانا قاجەت ەكەنىن ۇمىتپاڭىزدار

استانا. قازاقپارات -الماتى وبلىسىنىڭ مارجان كولى - الاكولدە «قازاق ءتىلىن ۇلتتىق سالت- ءداستۇر ارقىلى ۇيرەتۋدىڭ ادىستەمەلىك جولدارى» اتتى جەتى كۇندىك سەمينار باستالدى.

ءار وبلىستىڭ «قوعامدىق كەلىسىم كەڭەستەرىنىڭ» ادىسكەر ماماندارى قازاق ءتىلىن ۇيرەتۋدەگى تاجىريبەلەرىمەن الماسادى.

ون جىلدان كەيىن قازاق تىلىنە دەگەن قاجەتتىلىك ءجۇز پايىزعا جەتەدى دەگەن ۇمىتتەمىز. وسىعان وراي، ءار قازاق ازاماتى قازاق تىلىنە وزىندىك ۇلەسىن قوسۋ قاجەت. ۇكىمەتكە «قول جايىپ» وتىرا بەرگەنشە، كوشەدەگى دۇرىس اۋدارىلماعان نەمەسە دۇرىس جازىلماعان جازۋلاردى، جارنامالاردى نەمەسە ماڭدايشالاردى سۋرەتكە ءتۇسىرىپ، جازۋلاردىڭ يەلەرىنە كىرىپ، ءتۇسىندىرىپ، ەسكەرتىپ، ناتيجەسىن قاداعالاسا، قازاق ءتىلى بەس جىلدا ءوز مارتەبەسىنە تولىققاندى يە بولار ەدى.

ءار قازاق تەك ءبىر عيماراتتى نەمەسە ءبىر دۇكەندى السا، قالاداعى قازاق تىلىنە جانى اشيتىن 100000 قازاق قانشاما ۇلەس قوسار ەدى. ۇيالى تەلەفونعا توبەلەس پەن ماستاردى، بيشىلەر مەن انايى قىلىقتاردى تۇسىرگەنشە، قازاق ءتىلىنىڭ قاتەلىكتەرىن ءتۇسىرىپ، ناتيجە شىعارىپ، بەينە ەسەپ بەرىپ وتىرساڭىزدار قانداي كەرەمەت ءۇردىس بولار ەدى. قازاق ءتىلى تەك بىزگە عانا قاجەت ەكەنىن ۇمىتپاڭىزدار!!!

دوس كوشىم، facebook