پاكىستانداعى قۋاتتى جەر سىلكىنىسىنەن ءۇش ادام اجال قۇشتى

استانا. قازاقپارات - سەنبى كۇنى پاكىستان استاناسىنا جاقىن ماڭدا بولعان جەر سىلكىنىسىنەن ءۇش ادام كوز جۇمدى، دەپ حابارلايدى شينحۋا جەرگىلىكتى ب ا ق- تارعا سىلتەمە جاساپ.

ولاردىڭ مالىمەتىنشە، كۇشتى جەر استى دۇمپۋلەرىنىڭ سالدارىنان ۇيلەرى قيراپ قالعان ءبىر وتباسىنىڭ ءۇش بىردەي مۇشەسى كوز جۇمعان.

وقيعا پاكىستاننىڭ سولتۇستىك- باتىسىندا ورنالاسقان حايبەر- پاحتۋنحۆا پروۆينسياسىنداعى اببوتتاباد قالاسىندا ورىن العان.

ا ق ش گەولوگيالىق قىزمەتىنىڭ حابارلاۋىنشا، ماگنيتۋداسى 5,5 بولعان جەر سىلكىنىسى سەنبى كۇنىنە قاراعان ءتۇنى يسلاماباد ماڭىندا ورىن العان. UTC ۋاقىتى بويىنشا ساعات 20:59 دا ەل استاناسىنان سولتۇستىك- شىعىسقا قاراي 15 شاقىرىم قاشىقتىقا جەراستى دۇمپۋلەرى تىركەلگەن. جەر سىلكىنىسىنىڭ وشاعى 26 شاقىرىم تەرەڭدىكتە ورنالاسقان.