توتەنشە جاعدايلار كوميتەتى الماتىدا سەل ءجۇرۋ سەبەبىن اتادى

استانا. قازاقپارات - ق ر ءى ءى م توتەنشە جاعدايلار كوميتەتى قارعالى وزەنى بويىندا سەل ءجۇرۋدىڭ سەبەبىن اتادى.

«بەزىمياننوە» كولى قارعالى وزەنىنىڭ باسسەينىندە 8№ مۇزدىق استىندا ورنالاسقان. سۋ كولەمى بوساعانعا دەيىن شامامەن 40 مىڭ تەكشە مەتردى قۇراعان. بىرنەشە كۇن قاتارىنان جوعارى تەمپەراتۋرانىڭ ساقتالۋىنا بايلانىستى جوعارى تاۋلى ايماقتا مورەنالىق كول ىشىندەگى تەرموكارستىق ۇردىستەر سالدارىنان جاڭا مورەناىشىلىك اعىن ارنالارى بويىمەن كولدىڭ بوساۋى ورىن العان»، دەپ حابارلايدى كوميتەتتىڭ باسپا ءسوز قىزمەتىنەن.

كول قازاندىعىنىڭ بوگەتى بۇزىلماعان. سەكۋندىنا 5 تەكشە مەتر شىعىنمەن كولدىڭ بوساڭسۋى مورەنالىق كول اياعىندا سەل اعىنىن قالىپتاستىرعان. ودان ءارى ۇلعايا تۇسكەن شىعىندار بورتتاردى قيراتا وتىرىپ، وزەن ارناسىنىڭ دەفورماتسياسىنا اكەلدى.

بۇل رەتتە، «بەزىمياننوە» كولىنەن 3 شاقىرىم قاشىقتىقتا تومەن ورنالاسقان قارعالى وزەنى ارناسىندا سەلدەن قورعاۋ بوگەتى 20-30 مىڭ تەكشە مەتر تاس ارالاس لايدى ۇستاپ قالعان.

توتەنشە جاعداي ايماعىندا ءى ءى م ت ج ك بولىمشەسىنىڭ، جەرگىلىكتى اتقارۋشى ورگاندار مەن وسى جۇمىسقا تارتىلعان باسقا دا ۇيىمدار كۇشىمەن قالپىنا كەلتىرۋ جۇمىستارى جۇرگىزىلىپ جاتىر.

اپات سالدارىن قالپىنا كەلتىرۋ جانە باسقا دا شۇعىل جۇمىستار جۇرگىزۋ ورنىنا ق ر قورعانىس مينيسترلىگىنىڭ اەروموبيلدىك اسكەرى جەكە قۇرامىنان جانە راديوەلەكترونيكا، بايلانىس اسكەري-ينجەنەرلىك ينستيتۋتىنان قوسىمشا 206 ادام جىبەرىلدى.

قۇتقارۋ جۇمىستارىنا بارلىعى 1879 ادام، 311 تەحنيكا، 2 تىكۇشاق تارتىلدى.

«قاز سەلدەن قورعاۋ» م م قارعالى وزەنى ارناسىنان سۋدىڭ ءوتۋ جاعدايىنا تۇراقتى مونيتورينگ جۇرگىزۋدە.