اياقتارى جانسىزدانعان ساڭىراۋقۇلاق جيۋشى ءۇش شاقىرىمداي جەردەگى اۋىلعا ەڭبەكتەپ باردى
وڭىرلىك ءى ءى م باسقارماسىنان جۇما كۇنى حابارلاعانداي، 1950-جىلعى ەر ادامدى ىزدەۋ تۋرالى ءوتىنىش پوليتسيانىڭ كەزەكشى بولىمىنە 20- شىلدە كۇنى كەشكىلىك تۇسكەن. زەينەتكەردىڭ تۋىستارى ونىڭ تاڭەرتەڭ ەرتەمەن ورمانعا ساڭىراۋقۇلاق جيناۋعا كەتىپ، سودان قايتىپ ورالماعاندىعىن ايتقان.
اداسقان جاندى ىزدەۋ ءۇش تاۋلىككە سوزىلدى.
سارسەنبىدە اۋىلدان بىرنەشە شاقىرىم جەردەن پوليتسەيلەر تاستاپ كەتكەن ۆەلوسيپەدتى جانە ساڭىراۋقۇلاق سالىنعان كارزەڭكەنى تاپتى.
سول ماڭايدان ىزدەۋشىلەر توبى جاپىرىلعان شوپتەگى ءىزدى بايقادى. ءىزدى قۋالاي جۇرگەن پوليتسەيلەر ەلسىز اۋىلداعى ۇيلەردىڭ بىرىنەن اداسقان ادامدى تاپتى.
«ساڭىراۋقۇلاق جيناپ جۇرگەن زەينەتكەردىڭ اياق استىنان جاعدايى ناشارلاپ، اياقتارى ىستەمەي قالعان. باسىنا تونگەن قاۋىپتى اڭعارعان ول ءۇش شاقىرىمداي جەر ەڭبەكتەپ، قاڭىراپ قالعان اۋىلداعى ءبىر ءۇيدى پانالاعان»، - دەلىنگەن حابارلامادا.
يەسىز ۇيدە ول ەكى تاۋلىكتەي بولعان، جەمىس-جيدەك جەپ، جاڭبىردىڭ سۋىن ىشكەن كورىنەدى.
دارىگەرلەردىڭ ايتۋىنشا، قازىرگى ۋاقىتتا ۇيىندە جاتىر. ومىرىنە ەشقانداي قاۋىپ ءتونىپ تۇرعان جوق.
