استانادا «ءبىرىنشى ارنا» تەلەارناسىنىڭ قىزمەتكەرى جول اپاتىنان كوز جۇمدى

استانا. قازاقپارات - جاقىن كۇندەرى ەلوردادا تۇنگى ۋاقىتتا ورىن العان جول اپاتىنان قازاقستان ءبىرىنشى ارناسى تەلەارناسىنىڭ اپاراتتىق-ستۋديالىق بلوگىنىڭ باسشىسى اناتولي پارفەنوۆ كوز جۇمدى.

كۋاگەرلەردىڭ ايتۋىنشا، ونىڭ ولىمىنە جيپ جۇرگىزۋشىسى سەبەپكەر بولعان، دەپ حابارلايدى تەلەارنادان.

قاراما-قارسى جولاقتاعى «Honda Pilot» ماركالى جيپىنىڭ جۇرگىزۋشىسى بولعان جاس جىگىت (شامامەن 21 جاستا) جول ەرەجەسىن بۇزىپ، بۇرىلعاندا جول بەرۋدىڭ ورنىنا اناتوليدىڭ موتوسيكلىن قاعىپ كەتكەن. سوققىنىڭ قاتتى بولعانى سونداي، ونىڭ شاعىن كولىگى قاققا ايىرىلعان. پوليتسيا قىزمەتكەرلەرى ازىرگە بۇعان قاتىستى ەش مالىمەت بەرمەي وتىر. ءتىپتى، جيپ جۇرگىزۋشىسىنىڭ اتى-ءجونىن دە اتامادى.

اناتوليدىڭ اناسىنىڭ ايتۋىنشا، اۋرۋحاناعا جەتكىزىلگەندە ۇلىنىڭ قول-اياعى، جامباسى سىنعانى انىقتالعان.

ءاردايىم كوڭىلدى جۇرەتىن ءارى جاۋاپتى قىزمەتكەر بولا بىلگەن اناتولي دوستارىمەن بىرگە جاقىندا رەسەيدە وتەتىن موتوفەستيۆالگە بارماققا جينالىپ جۇرگەن. ول ءوزىنىڭ تۋعان كۇنىنە، ياعني 28 جاسقا تولۋىنا نەبارى ءبىر اي قالعاندا اجال قۇشتى.

جيپ كولىگى مەن موتوسيكلگە قاتىستى جول اپاتىنا بايلانىستى قىلمىستىق ءىس قوزعالدى.