اۋا رايى: بۇگىن ەلىمىزدىڭ سولتۇستىگى مەن وڭتۇستىك-شىعىسىندا جاڭبىر جاۋادى

استانا. قازاقپارات - 25- شىلدە كۇنى قازاقستاننىڭ سولتۇستىك، شىعىس، وڭتۇستىك-شىعىس جانە ورتالىعىندا تۇراقسىز اۋا رايى ساقتالادى.

كەي جەرلەردە وتكىنشى جاڭبىر جاۋىپ، نايزاعاي بولادى، دەپ حابارلايدى «قازگيدرومەت».

ەلىمىزدىڭ شىعىسىنىڭ كەي جەرلەرىندە قاتتى جاڭبىر جاۋادى، جەل كۇشەيەدى، قالعان تەرريتوريالارىندا جاۋىن-شاشىنسىز بولادى. سولتۇستىگىندە كەي جەرلەردە تۇمان كۇتىلەدى.

اقمولا، پاۆلودار، قاراعاندى، كۇندىز جامبىل، شىعىس قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى.

سولتۇستىك قازاقستان وبلىسىندا تۇندە جانە تاڭەرتەڭ كەي جەرلەرىندە تۇمان كۇتىلەدى.

كۇندىز جامبىل، اتىراۋ، شىعىس قازاقستان وبلىستارىندا، الماتى، ماڭعىستاۋ، اقتوبە، قاراعاندى وبلىستارىنىڭ كەي جەرلەرىندە قاتتى ىستىق كۇتىلەدى.

قىزىلوردا، جامبىل، وڭتۇستىك قازاقستان، وبلىستارىنىڭ باسىم بولىگىندە، الماتى، قاراعاندى، شىعىس قازاقستان وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.