ۇشاق اپاتىنان قازا تاپقان قازاقستاندىقتاردىڭ ءمايىتى وتانىنا جەتكىزىلدى
«ايجان يسەنعاليەۆا، ەربول يمانقۇلوۆ پەن ۇلى ءادىلدىڭ مايىتتەرى 18- ماۋسىم كۇنى «ماينداعى فرانكفۋرت - الماتى» رەيسىمەن قازاقستانعا جەتكىزىلدى»، - دەپ حابارلادى ق ر س ءى م باسپا ءسوز قىزمەتىنەن. مارقۇمداردىڭ دەنەلەرى وسكەمەن قالاسىنا جەتكىزىلگەن.
ەسكە سالا كەتەيىك، ناۋرىز ايىندا بارسەلونادان ديۋسسەلدورفقا باعىت العان ۇشاق اپاتقا ۇشىراپ، سالدارىنان ۇشاق بورتىنداعى 150 ادام قازا تاپقان بولاتىن.
ۇشاق اپاتىندا قازا تاپقاندار قاتارىندا قازاقستاندىقتار دا بولعان. ولار: «قازتسينك» ج ش س ديرەكتورىنىڭ ورىنباسارى ايجان يسەنعاليەۆا، ونىڭ جولداسى ەربول يمانقۇلوۆ جانە ۇلدارى - ءادىل.
«قازتسينك» ج ش س اتقارۋشى ديرەكتورى اندرەي لازاريەۆتىڭ ايتۋىنشا، قازا تاپقان ايجان يسەنعاليەۆا كومپانيا قىزمەتكەرلەرى جانە ولاردىڭ وتباسىلارىنىڭ دەمالىسىن ۇيىمداستىرۋمەن اينالىسقان.
ەربول يمانقۇلوۆ تا بۇرىن «قازتسينكتە» قىزمەت ەتىپ، «جاڭا مەتاللۋرگيا» مىس زاۋىتى جوباسىنا جەتەكشىلىك جاساعان. جوبا اياقتالعان سوڭ، قاراعاندىداعى «تاۋ-كەن تەمىر» كومپانياسىن باسقارادى.
ايجان يسەنعاليەۆانىڭ تانىستارىنىڭ ايتۋىنشا، وسكەمەندە ۆيزا راسىمدەلمەگەندىكتەن قازا تاپقان وتباسىنىڭ 14 جاستاعى قىزى يسپانياعا كەتە الماي، امان قالعان.
