بۇگىن «استانا» اۋەجايىنىڭ قىزمەتكەرى گەننادي گولوۆكينمەن جانجالداستى

استانا. قازاقپارات - گەننادي گولوۆكين وتباسىمەن وتانىنا ۇشىپ كەلدى. چەمپيون وتكەن جىلعى قاراشادان باستاپ قازاقستاندا بولماعان، قاراعاندىعا تۋىستارىنا كەلگەن، دەپ حابارلادى ۆكونتاكتە الەۋمەتتىك جەلىسىندە بوكسشىنىڭ رەسمي توبى.

الايدا، حالىقتىڭ سۇيىكتى سپورتشىسىنىڭ كەلگەنىنە قۋانبايتىندار دا بار ەكەن.

«استانا» حالىقارالىق اۋەجايىنىڭ قىزمەتكەرى گەننادي گولوۆكيندى VIP- زال ارقىلى وتكىزبەي، جولاۋشىلار مەن گەنناديدى كۇتىپ الۋشىلاردىڭ الدىندا جانجال شىعارعان. ول «گەننادي اقشا تولەمەي زال ارقىلى وتۋگە قۇقىعى جوق، سەبەبى ول شەنەۋنىك، نە شەنەۋنىك وتباسىنان ەمەس» دەگەن. بۇل قازاقستاننىڭ بەدەلىن شەتەلدە كوتەرىپ جۇرگەن گولوۆكيننىڭ اينالاسىنداعى ادامداردىڭ نارازىلىعىن تۋدىرعان.

سودان كەيىن قىزمەتكەرلەردىڭ ءوزى GGG- مەن VIP- زالدا فوتوسەسسيا ۇيىمداستىرعان، دەپ جازادى sports.kz.

قارسى الۋشىلارعا تولەم تولەۋ ءۇشىن كاسساعا وتۋگە تىيىم سالعان، اقىرى سول قىزمەتكەردىڭ ءوزى ولاردىڭ اقىسىن ءوزى بارىپ تولەگەن.