قىتاي وقۋشىلارىن دروندار باقىلايدى
اتالعان درونداردى قاتاڭ ءتارتىپ ورناتۋ ءۇشىن پايدالانادى. ونى العاشقىلاردىڭ ءبىرى بولىپ قىتايدىڭ ورتالىعىنداعى لويان ءبىلىم باسقارماسى تاجىريبەدەن وتكىزدى.
«Silent» اتتى ۇشاتىن درونداردى ميلليون جاسوسپىرىم قاتار وتىرىپ ەكزامەن تاپسىراتىن «gaokao» سىندى ورتالىقتاردا قولدانادى. بۇل قۇرال 360 گرادۋستا اينالىپ، جارتى ساعاتقا دەيىن اۋەدە قالقىپ تۇرادى. بۇدان وزگە 500 مەتر بيىكتىكتە تۇرىپ، وقۋشىلاردىڭ تەحنيكالىق قۇرالدار پايدالانىپ وتىرعانىن بىردەن بايقايدى.
قىتاي ەلىندەگى ەكى كۇنگە سوزىلاتىن ەكزامەن وقۋشىلاردىڭ تاعدىرىن شەشەدى دەسەك تە بولادى. بۇل ەكزامەننىڭ وقۋشىلاردىڭ بولاشاعى ءۇشىن ماڭىزى زور.
وزگە ەلدەرگە قاراعاندا، قىتاي ەلىنىڭ وقۋشىلارعا شەكتەن تىس قىسىم كورسەتەتىنى راس. ولارعا تالاپتى تىم جوعارى قويادى. ج و و- لاردا ورىن از بولعاندىقتان، ءبىلىمدى بالالار ءتيىستى بالىن الۋ ءۇشىن وسىنداي ادىستەردىڭ كومەگىنە جۇگىنەدى. جىل سايىن 605 ميلليون وقۋشى ەكزامەن تاپسىرسا، ناتيجەسىندە تەك ءۇش ادامنىڭ بىرەۋى وقۋعا تۇسەدى.
ەكزامەننىڭ بولاشاقتارى ءۇشىن ماڭىزى زور بولعاندىقتان، وقۋشىلار بار ايلا-ءتاسىلدى قولدانىپ قالۋعا تىرىسادى.
ادەتتە قالامنىڭ ىشىنە كىشكەنە كامەرا ورناتىپ، سۇراقتاردى سۋرەتكە تۇسىرەدى. ارتىنشا سۇراقتاردى سىرتتا كۇتىپ تۇرعان ۇستازدارىنا جىبەرەدى. ال جاۋابىن كوزگە وڭايلىقپەن كورىنبەيتىن قۇلاققاپ ارقىلى تىڭداپ وتىرادى.
باسشىلىق بۇل ۇشاتىن درونداردى وقۋشىلارعا عانا ەمەس، ۇستازدار مەن اتا-انالارعا دا قارسى قولداندى.
ەكزامەندەگى قاتاڭ تارتىپكە كوپ وقۋشى شىداي بەرمەيدى. جۇيكەلەرى سىر بەرىپ، ءوز-وزىنە ءدال سول جەردە قول جۇمساۋلارى مۇمكىن. وسىعان وراي، شەنەۋنىكتەر وقۋشىلار تەرەزەدەن سەكىرىپ كەتپەسىن دەگەن نيەتپەن ارنايى «لي» تورىن ورناتقان. ول وقۋشىلاردىڭ بيىكتەن سەكىرىپ كەتۋىنە كەدەرگى جاسايدى.
ەكى جىل بۇرىن سزيلين اۋدانىندا ءبىلىم باسقارماسى ەرەكشە قادامعا باردى. قىزدار كوكىرەكشەلەرىنە ۇيالى تەلەفون جاسىرىپ كىرۋى مۇمكىن بولعاندىقتان، ونىڭ تەمىرىن الىپ تاستاپ كىرگىزدى.
ءبىلىم مينيسترلىگى ءتارتىپتىڭ تىم قاتال ەكەنىن مويىنداپ، وقۋشىلارعا جەڭىلدىك بولسىن دەگەن نيەتپەن اتا-انالارىمەن بىرگە كەلۋگە رۇقسات بەرگەن.
massaget.kz
