استانادا ادۆوكات ءوز قورعالۋشىسىنىڭ زاڭسىز سوتتالۋىنا جول بەرمەك بولعان
«ادىلەت دەپارتامەنتى جۇرتشىلىققا كورسەتىلەتىن ادۆوكاتتىق قىزمەتتىڭ ساپاسىن ارتتىرۋ ماقساتىندا استانالىق ادۆوكاتتار القاسىمەن تىعىز ءوزارا ارەكەتتەسىپ وتىر. ماسەلەن، وتكەن جولى ب. ەسىمدى ازاماتتان ءوز ادۆوكاتىنىڭ زاڭسىز ارەكەتىنە قاتىستى ارىزى كەلىپ ءتۇسىپ، سوعان بايلانىستى «مەملەكەتتىك باقىلاۋ جانە قاداعالاۋ» زاڭىنا سايكەس، جوسپاردان تىس تەكسەرۋ جۇرگىزىلدى. سونىڭ ناتيجەسىندە ادۆوكاتتىڭ ادامدى زاڭسىز باس بوستاندىعىنان ايىرۋعا جول بەرمەك بولعانى انىقتالدى. ياعني، ادۆوكاتتىڭ قىزمەتىنەن قىلمىستىق جازاعا تارتۋعا بولاتىنداي ارەكەتتەر انىقتالىپ وتىر. وسىعان وراي، تەكسەرۋ ماتەريالدارى استانا قالالىق ىشكى ىستەر باسقارماسىنا پروتسەسسۋالدىق شەشىم قابىلداۋ ءۇشىن جولداندى»، - دەدى قانات مۋسين.
ايتا كەتەرلىگى، ەلوردالىق ادىلەت دەپارتامەنتىنىڭ مالىمەتتەرىنە قاراعاندا، استانا قالاسىندا ادۆوكاتتاردىڭ جالپى سانى 393 ءى قۇرايدى، 5 زاڭگەرلىك كونسۋلتاتسيالار مەن 11 ادۆوكاتتىق كەڭسە جۇمىس ىستەيدى.
«ادۆوكاتتاردىڭ زاڭسىز ارەكەتتەرى تۋرالى ازاماتتار تاراپىنان تۇسكەن شاعىم بويىنشا ادىلەت قىزمەتكەرلەرى جەدەل دەن قويۋ شارالارىن اتقارىلىپ كەلەدى»، - دەيدى دەپارتامەنت باسشىسى.
اۆتور: قانات مامەتقازى ۇلى
