تەمىرتاۋ تۇرعىنىنا قاراشىلىق شابۋىل جاساعان توپ قۇرىقتالدى

استانا. قازاقپارات - تەمىرتاۋدا قاراقشىلىق شابۋىل جاساپ، وقيعا ورنىنان اۆتوكولىكپەن قاشىپ كەتكەن كۇدىكتى ازاماتتار «ءىزىن سۋتپاي» قولعا ءتۇسىرىلدى، دەپ حابارلايدى قاراعاندى وبلىستىق ءى ءى د-نىڭ باسپا ءسوز قىزمەتىنەن.

«21 -شىلدە كۇنى تەمىرتاۋ قالالىق ءى ءى ب جول پاترۋلدىك پوليتسيا باتالونىنىڭ قىزمەتكەرلەرى قاراقشىلىق شابۋىل فاكتىسى بويىنشا باعىتتاما العان. مىستى ءوڭىردىڭ تۇرعىنى، جابىرلەنۋشى جاس جىگىت وقيعا ورنىنا كەلگەن ءتارتىپ ساقشىلارىنا قالاداعى دۇكەندەردىڭ ءبىرىنىڭ ماڭىندا ءبىر توپ بەلگىسىز جاس جىگىتتەر پىشاقپەن قورقىتىپ، قالتاسىنداعى سوڭعى اقشاسىن تارتىپ الىپ، وقيعا ورنىنان «مەرسەدەس بەنس» اۆتوكولىگىمەن قاشىپ كەتكەندىگىن ايتقان.

جاس جىگىت پوليتسيا قىزمەتكەرلەرىنە وزىنە جابۋىل جاساعان ازاماتتار تۋرالى تولىق اقپارات بەرىپ، قاشىپ كەتكەن اۆتوكولىكتىڭ مەملەكەتتىك نومىرىمەن كولىكتىڭ ءتۇسىن ايتىپ بەرگەن»، دەلىنگەن حزابارلامادا.

باعداردا بەرىلگەن اۆتوكولىك دميتروۆ كوشەسىندە بايقالعان. پوليتسيا قىزمەتكەرلەرى مىنگەن اۆتوكولىكتى كورگەن «مەرسەدەس» اۆتوكولىگىنىڭ جۇرگىزۋشىسى ولاردان ءىزىن سۋتپاق بولعان. دەگەنمەن ءتارتىپ ساقشىلارىنىڭ ساۋاتتى جۇمىستارىنىڭ ارقاسىندا اۆتوكولىك قولعا ءتۇستى. قولعا تۇسكەن اۆتوكولىكتىڭ ىشىندە بەس قالا تۇرعىنى بولعان. ولاردى جابىرلەنۋشى تانىدى.

قازىرگى ۋاقىتتا ۇستالعاندارعا قاتىستى سوتقا دەيىنگى تەرگەپ، تەكسەرۋ امالدارى جۇرگىزىلۋدە. ولاردىڭ باسقا دا قىلمىستارعا قاتىستىلىعى تەكسەرىلۋدە. ۇستالعاندار ۋاقىتشا ۇستاۋ وقشاۋلاعىشىنا قامالدى.