ۇيات بولعان ەكەن

استانا. قازاقپارات - جاڭا «Qazaq Air» اۋە كومپانياسى مەيرامحانادان جۇمىس كەڭسەسىن اشپاق بولعان.

ازاماتتىق اۆياتسيا كوميتەتى داۋعا قالعان ماقتاۋلى كومپانيانىڭ قىزمەتىنەن 50 گە تارتا كەمشىلىكتەر انىقتادى.

 اسىرەسە، «Qazaq Air» ءوزىنىڭ كەڭسەسى رەتىندە مەيرامحانانىڭ بانكەت زالىن جالداعانى سەرتيفيكاتسيالىق كوميسسيانىڭ جاعاسىن ۇستاتىپ وتىر.

100 پايىز «سامۇرىق- قازىنانىڭ» باسقارۋىنداعى، ياعني مەملەكەتتىك كومپانيانىڭ مۇنداي ارەكەتىنە شەنەۋنىكتەر اڭ- تاڭ. ءارى ءالى كۇنگە دەيىن باسقالاردان ارزان بولادى دەلىنگەن ناقتى بيلەت قۇنىن جاسىرىپ وتىر ەكەن.

ءتىپتى، ۇشۋدى قامتاماسىز ەتەتىن ارنايى تەحنيكالار مەن قاۋىپسىزدىككە جاۋاپ بەرەتىن ماماندار دا بولماي شىققان.

سوندىقتان اۆياتسيا كوميتەتى، «Qazaq Air» اۋە كومپانياسىن جولاۋشى تاسىمالداۋعا دايىن ەمەس دەپ تانىپ، بارلىق كەم- كەتىكتەرىن تۇزەتۋگە تاعى ۋاقىت بەردى.

ك ت ك ارناسى