الماتى وبلىسىنىڭ يمامدارى ءبىرىڭعاي كيىم ۇلگىسىنە كوشەدى
وبلىس ورتالىعىنىڭ يمامدارى وزدەرىنە كيىمنىڭ جاڭا ديزاينىن تاڭدادى.
مامانداردىڭ ايتۋىنشا، شاپاننىڭ ەكى ءتۇرى ۇسىنىلدى.
ءبىرىنشىسى - وڭىرلەردە ءدىني باسقارۋ جانە ۋاكىلەتتى يمامدار بولىمدەرىنىڭ مەڭگەرۋشىلەرى ءۇشىن. ەكىنشىسى - بارلىق يمامدارعا ارنالعان. ەرەكشەلەنىپ كيىم كيۋ ءدىني قىزمەتكەرلەردى بىردەن انىقتاۋعا، قانداي لاۋازىمدا ەكەنىن اجىراتۋعا مۇمكىندىك بەرەدى.
جاڭا شاپاندار بۇرىنعىدان وزگەشە: اشىق ءتۇستى ماتادان تىگىلگەن. جاعاسى ويۋ-ورنەكپەن بەزەندىرىلگەن.
وسىعان دەيىن يمامدار ءار ءتۇرلى، ءتۇستى شاپاندار كيىپ كەلگەن ەدى. ەندى ولار كەز كەلگەن ۋاقىتتا اق شاپان كيەتىن بولادى. كيىم ىڭعايلى بولۋى ءۇشىن ارنايى جەڭىل ماتەريالدان تىگىلگەن.
- ءدىني قىزمەتكەرلەرگە ارنالىپ جاڭا شاپان ديزاينى ازىرلەندى. ول زاماناۋي ۇلگىدە تىگىلگەن. وتە ساپالى. ءوڭىردىڭ بارلىق يمامدارى مۇنى ءبىراۋىزدان قولدادى. وسى جىلدىڭ اياعىنا دەيىن ءبىرىڭعاي جاڭا كيىم ۇلگىسىنە تولىقتاي كوشەمىز دەپ ۇمىتتەنەمىن، - دەدى تالدىقورعان قالاسىنداعى ق م د ب باسقارماسىنىڭ وكىلى سەرىكحان احماديەۆ.
