11:51, 24 - شىلدە 2015 | GMT +5
تۇركيا ا ق ش- قا اۋەبازاسىن بەرۋگە ءازىر
استانا. قازاقپارات - تۇركيا بيلىگى «يسلام مەملەكەتى» راديكالدى توبىنا سوققى بەرۋ ءۇشىن ءوز اسكەري- اۋە بازالارىنىڭ ءبىرىن ا ق ش اسكەري كۇشتەرىنە بەرۋگە ءازىر.
بۇل تۋرالى بي- بي- سيگە ا ق ش- تىڭ بىرنەشە شەنەۋنىگى جاسىرىن حابارلادى، ەندىگى جاعدايدا تەك كەلىسىمگە رەسمي تۇردە قول قويۋ قاجەت.
مۇنداي ىنتىماقتاستىق تۋرالى ۋاعدالاستىققا سارسەنبى كۇنى ا ق ش پرەزيدەنتى باراك وباما مەن تۇركيا پرەزيدەنتى رەدجەپ تايىپ ەردوعان اراسىنداعى تەلەفون ارقىلى بولعان اڭگىمەدە ناقتى انىقتالدى، دەپ حابارلايدى دەرەككوز.
اڭگىمە سيريا شەكاراسىنا جاقىن جەردەگى «يندجيرليك» بازاسى جايىندا بولۋى مۇمكىن.
بەيسەنبىدە تۇركيا- سيريا شەكاراسىندا تۇرىك اسكەرى مەن «يسلام مەملەكەتى» سودىرلارى اراسىندا قاقتىعىس بولدى. اپتا باسىندا تۇرىكتىڭ سۋرۋچ قالاسىندا جارىلىس سالدارىنان 32 ادام قازا تاپقان، انكارا وقيعاعا جاۋاپكەرشىلىكتى ي م- عا جۇكتەدى.
