ءسابينا التىنبەكوۆا ۇلتتىق كوميسسيانىڭ مۇشەسى بولدى
ايتا كەتەيىك، ۇلتتىق كوميسسيا 1998 -جىلى ايەلدەردىڭ، بالالار مەن وتباسىلاردىڭ جاعدايىن جاقسارتۋعا قاتىستى ءتيىمدى شارالاردى قولعا الۋ جونىندەگى كونسۋلتاتسيالىق- كەڭەستىك ورگان رەتىندە قۇرىلعان، سونىمەن قاتار، ول وتباسى مۇددەسىن قورعاۋ، ەلىمىزدىڭ مادەني، ساياسي، الەۋمەتتىك جانە ەكونوميكالىق سالاسىنا قاتىسۋشى ايەلدەردى قاجەتتى جاعدايمەن قامتاماسىز ەتۋمەن اينالىسادى.
«بۇل ءۇشىن وتە قۋانىشتىمىن، سەبەبى مەن پاتريوتپىن. ەلىمە پايدا اكەلگىم كەلەدى»، - دەدى ول.
سونىمەن قاتار، ءسابينا التىنبەكوۆا باسىلىمعا بەرگەن سۇحباتىندا 6 -ناۋرىز كۇنى مەملەكەت باسشىسى نۇرسۇلتان نازاربايەۆپەن وتكەن كەزدەسۋىنەن العان اسەرىمەن ءبولىستى. «جاتتىعۋ كەزىندە پرەزيدەنت اپپاراتىنان قوڭىراۋ كەلىپ تۇسكەندە، قالجىڭ ەكەن دەپ ويلادىم. باسىندا قاتتى تولقىدىم، ءبىراق نۇرسۇلتان ءابىش ۇلى ادامدى بىردەن باۋىرىنا تارتادى. (...) ول سپورتتى تاستاماۋعا، ۇلى ماقساتتارعا ۇمتىلۋعا، جارامساقتىق سوزدەرگە بارىنشا نازار اۋدارماۋعا كەڭەس بەردى، اسىرەسە ول ەر ادامدار تاراپىنان ايتىلسا»، - دەدى التىنبەكوۆا.
ەسكە سالا كەتەيىك، قازاقستاندىق ۆولەيبولشى ءسابينا التىنبەكوۆا ازيادا 2014 -جىلى تانىمال بولعان ەدى. ازيا جاستار اراسىنداعى چەمپيوناتتا ونىڭ سۇلۋلىعىنا جانكۇيەرلەر مەن جۋرناليستەر نازار اۋدارىپ، بۇدان كەيىن قازاقستاندىق جاس سپورتشى اتاقتى بولا كەتتى. وعان كوپتەگەن ۇسىنىستار ءتۇستى، ءتىپتى بەلگىلى برەندتەردىڭ تۇلعاسى بولۋ تۋرالى ۇسىنىستار بولدى. ءبىراق ۆولەيبولشى ءوزىن تەك ۆولەيبولعا ارناپ، وقۋىن جالعاستىراتىنىن ايتتى.
