09:57, 25 - شىلدە 2015 | GMT +5
وزەن ارناسىنان قيىرشىق تاس الۋ ارەكەتى ازايار ەمەس
استانا. قازاقپارات - شىمكەنتتەگى بادام وزەنىنەن قيىرشىق تاستى وڭدى-سولدى قازىپ الۋ جاعدايلارى تىيىلار ەمەس.
سالدارىنان تاشكەنتكە قاراي شىعار اينالما جولدىڭ بويىنداعى ۇلكەن كوپىردىڭ ەكى جاعالاۋىنداعى توپىراق ءمۇجىلىپ، تىرەۋلەرى وپىرىلىپ، قۇلاۋعا شاق تۇر. جاعالاۋعا جاقىن ورنالاسقان حالىق وزەندى قازا بەرسە، ءبىر كۇنى باسپانامىز سۋعا كەتە مە دەپ ۇرەيلەنەدى. قالانى قاق جارىپ اعىپ جاتقان بادام وزەنىنىڭ بويىنداعى بەي-بەرەكەتسىزدىككە جەرگىلىكتى بيلىك تە، دەپۋتاتتار دا كۋا بولدى. ال قيىرشىق تاستى قازىپ الىپ جاتقاندار قۇجاتتارىن كورسەتىپ، زاڭدى ارەكەت ەتىپ جاتىرمىز دەگەن ءۋاج ايتادى.
24.kz
