تازا قالا دەپ شىمكەنتتى ايت

استانا. قازاقپارات - شىمكەنت كوركەيگەن ۇستىنە كوركەيىپ كەلەدى.

مۇندا حالىق دەمالاتىن ۇلكەندى-كىشىلى 17 ساياباق بار. دەگەنمەن ميلليونعا جاقىن تۇرعىنى بار شاھاردا جۇرگەن جەرىن لاستاپ كەتەتىندەر دە از ەمەس.

«تازا قالا» شاراسى كەزىندە قوعامدىق ورىنداردا تەمەكى شەگىپ تۇقىلىن تاستاي سالاتىن، كوشەنى لاستاپ ىشىمدىك ءىشىپ جۇرەتىن ازاماتتارعا قاتىستى 991 اكىمشىلىك حاتتاما تولتىرىلىپ، ءتۇرلى جازا قولدانىلدى.

بۇل -  7 -شىلدەدە باستالعان شارانىڭ قورىتىندىسى. قۇقىق قورعاۋشىلار مەن قالا تازالىعىنا جانى اشيتىن بەلسەندى ازاماتتار 19 دەمالىس ايماعى مەن ەل شومىلاتىن جەرلەردە رەيد جۇرگىزىپ، ءتارتىپ بۇزعانداردى انىقتاعان.

24.kz