ادامزات تاريحىنداعى ءىرى سەل تاسقىندارى
2000 -جىلدىڭ 10 -قاڭتارىندا قاتتى جاۋىن- شاشىننىڭ اسەرىنەن ۆەنەسۋەللادا سەل جۇرگەن. ونىڭ سالدارىنان 1000 ادام قازا تاۋىپ، 15000 ادام ءۇيسىز قالعان. وسى شىعىننىڭ ورنىن تولتىرۋ ءۇشىن 500 ميلليون دوللار قاراجات كەتتى. الەمنىڭ وزگە تۇكپىرلەرىندە دە وسىعان ۇقساس سەل تاسقىندارى ءجيى بولادى ەكەن.
1998 -جىلدىڭ 6 -مامىرىندا ساعات 14:00 دە يتاليادا سەل بولدى. سەل نەوپولداعى تۋريستىك اۋداننىڭ جانىنان وتكەن. تاۋلى ايماقتاعى ەكى كۇنگە سوزىلعان جاۋىن- شاشىن سەلدىڭ باستالۋىنا سەبەپ بولعان. تابيعي قۇبىلىستىڭ سالدارىنان 170 ادام قازا تاۋىپ، 2000 ادام باسپاناسىز قالدى.
1995 -جىلى وسى سەكىلدى اپات ۆەنگريادا دا بولدى. 16 ساعاتتىڭ ىشىندە جاۋىن- شاشىننىڭ دەڭگەيى 75 سانتيمەترگە دەيىن جەتكەن. كونۆەي مەن روبينسون وزەندەرىنىڭ ارناسى تولىپ، وزەن سۋى اينالاسىن شايعان. سەل كوپىرلەر مەن ۇيلەردى قيراتىپ، جولداردى تولىق جاۋىپ تاستادى. شىعىننىڭ ورنىن تولتىرۋعا 100 ميلليون دوللار جۇمسالدى.
رەسەيدىڭ سولتۇستىك كاۆكاز بولىگىندە سەل ءجيى بولىپ تۇرادى. 1995 -جىلى وسى ايماقتا سەلدىڭ اسەرىنەن تىرنىاۋز قالاسى قيراپ قالدى.
1963 -جىلدىڭ 7 -شىلدەسىندە الاتاۋ اڭعارىندا دا ءىرى سەل بولدى. نايزاعايدىڭ اسەرىنەن ەسىك وزەنىنىڭ سۋى ارناسىنان اسىپ كەتكەن. تاسقىن سۋى تاستى، اعاشتاردى قيراتقان. كولدەگى بوگەت بۇزىلىپ، سۋ جولىنداعىلاردىڭ ءبارىن جويىپ كەتتى. ارادا بىرنەشە ساعات وتكەن سوڭ كولدىڭ ورنى بوس قالعان.
1985 -جىلدىڭ 13 -قاراشاسىندا كولۋمبيانىڭ باتىس بولىگىندە سەل جۇرگەن. سەل جويقىن جانارتاۋدىڭ اسەرىنەن باستالعان. ونىڭ جىلدامدىعى ساعاتىنا 100 شاقىرىمعا دەيىن جەتتى.
massaget.kz
