الەمدە تۇڭعىش رەت وتكەن كولىكتەر جارىسى
اۆتوموبيلدەر جارىسىندا ءوزى قوزعالاتىن ەكيپاجدى كولىكتىڭ جاڭا ءتۇرى كورسەتۋ كەرەك بولعان. قاتىسۋشىلار 12 ساعاتتا كولىكتەرىمەن پاريج- رۋاندى ارالىعىن ءجۇرىپ ءوتۋى ءتيىس ەدى.
كولىكتەر فورماسىنىڭ جانە قۇرىلىسىنىڭ تۇرلىلىگىمەن كوپشىلىكتى تاڭعالدىرعان. 39 اۆتوموبيل ىشكى قىزدىرعىش دۆيگاتەلدەرىن يگەرگەن، ال، ولاردىڭ سوڭىنان 28 بۋ ماشينالارى جۇرگەن. ىرىكتەۋ كەزەڭىنەن سوڭ جارىسقا قاتىسۋعا 14 بەنزيندى، 7 بۋ دۆيگاتەلدەرمەن، جالپى سانى 28 اۆتوموبيل جىبەرىلگەن. جارتى مينۋتتىق اراقاشىقتىقپەن جۇرگەن كولىكتەر پاريجدەن سولتۇستىك- باتىسقا قاراي 126 شاقىرىم جاتقان رۋان قالاسىنا باعىت العان. مارەگە دەيىن تەك 17 كولىك كەلگەن. ەڭ ۇلكەن جىلدامدىققا (22 ك م/ساعات) البەرا دە ديونادا يە بولعان.
ءبىراق، قازىلاردىڭ شەشىمى بويىنشا ءبىرىنشى ورىندى «Peugeot» پەن «Рanhard-Levassor» كولىكتەرى بولىسكەن. قازىلار القاسى ولاردى ەكسپلۋاتاتسياعا ەڭ سەنىمدى كولىكتەر دەپ شەشكەن.
«قازاقستان»
