وڭتۇستىك قازاقستاندىق ءبۇلدىرشىن قىتايداعى بايقاۋدا باس جۇلدە جەڭىپ الدى

استانا. قازاقپارات - جەرلەسىمىز البينا ۇزاقوۆا قىتاي حالىق رەسپۋبليكاسىندا وتكەن بالالار مەن جاسوسپىرىمدەردىڭ حالىقارالىق بايقاۋىندا توپ جاردى. «تاۋ لي» ونەر سايىسىندا باس جۇلدەنى جەڭىپ كەلدى،

دەپ حابارلايدى otyrar.kz.

 5 جاستاعى ءبۇلدىرشىن بۇگىندە سايرام اۋدانى، اقسۋكەنت اۋىلى «ايالا» بالاباقشاسىنىڭ تاربيلەنۋشىسى. جانى ونەرگە عاشىق كىشكەنتاي البينا حالىقارالىق جارىستا «قۋىرشاعىم» اۆتورلىق ءانىن ورىنداعان.

«بۇل مەن ءۇشىن ۇلكەن ءارى كۇتپەگەن جەڭىس! وتە قۋانىشتىمىن! قارسىلاستارىم كوپ بولدى، ءبىراق مەن ءوزىمنىڭ ۇزدىك ەكەنىمە سەندىم. «قۋىرشاعىم» اتتى ءان - سازگەر قايرات سىدىقوۆتىڭ شىعارماسى. بۇل جەڭىسىمە مارقايدىم، ءبىراق مۇنىمەن شەكتەلمەيمىن. شىعارماشىلىعىمدى شىڭدايمىن، ەڭبەكتەنەمىن. ال بولاشاقتا قازاقستاننىڭ مادەنيەت ءمينيسترى بولۋدى ارماندايمىن»، - دەيدى البينا.