بۇكىل الەمدىك كىتاپ استاناسى اتاناتىن ەل انىقتالدى
يۋنەسكو باس ديرەكتورى يرينا بوكوۆا «كىتاپ، ءبىلىم الۋ، وقۋ - ادام ءومىرىنىڭ نەگىزگى باعىتى بولىپ تابىلاتىنىن» اتاپ ءوتتى. گۆينەيا رەسپۋبليكاسىنىڭ كىتاپتاردى ناسيحاتتاۋعا، ساۋاتتىلىقتى ارتتىرۋعا قوسقان اۋقىمدى ۇلەسى مادەنيەت پەن ءبىلىمدى دامۋ مەن قالپىنا كەلتىرۋدىڭ قوزعاۋشى كۇشى رەتىندە پايىمداي بىلگەنىن كورسەتەدى. يۋنەسكو مۇنى تولىقتاي قولدايدى.
جىل سايىن حالىقارالىق باسپاگەرلەر قاۋىمداستىعى، حالىقارالىق كىتاپ ساۋداسى فەدەراتسياسى جانە حالىقارالىق كىتاپحانالىق قاۋىمداستىقتار مەن مەكەمەلەر فەدەراتسياسى - كىتاپ يندۋسترياسىنىڭ ءۇش سەكتورىن قامتيتىن حالىقارالىق ۇيىمدار جىل بويى كىتاپ استاناسى اتاناتىن قالانى تاڭدايدى.
ول جىل 23- ساۋىردەن (بۇكىل الەمدىك كىتاپ جانە اۆتورلىق قۇقىق كۇنى) باستالادى. مۇندا كىتاپ شىعارۋ، ولاردى الداعى 12 ايدا تاراتۋعا جاردەمدەسۋ ماقساتىندا كىتاپ شىعاراتىن ونەركاسىپ وكىلدەرى، باسپاگەرلەر مەن جازۋشىلاردىڭ باسى بىرىكتىرىلەدى.
كوناكري 17- بۇكىل الەمدىك كىتاپ استاناسى اتاندى. بۇدان بۇرىن: مادريد (2001-جىل)، الەكساندريا (2002-جىل)، نيۋ-دەلي (2003-جىل)، انتۆەرپەن (2004-جىل)، مونرەال (2005-جىل)، تۋرين (2006-جىل)، بوگوتا (2007 -جىل)، امستەردام (2008-جىل)، بەيرۋت (2009-جىل)، ليۋبليانا (2010-جىل)، بۋەنوس-ايرەس (2011-جىل)، ەريەۆان (2012-جىل)، بانگكوك (2013-جىل)، پورت-حاركورت (2014-جىل)، ينچحون (2015-جىل)، ۆروتسلاۆ (2016-جىل) وسى مارتەبەگە لايىق دەپ تانىلعان ەدى.
